بعد غياب طويل
 

السلام عليكم ورحمة الله وبركاته

اخواني الاعزاء مر علي منذ اخر دخول الي هذا المنتدى مايقارب 3 سنوات

أهلا وسهلا بكـ كابتن B6a7 من جديد B6a7
آخر زيارة لك كانت: 19-04-2012 الساعة 11:51 PM
الصندوق الاسود: غير مقروء 0, من مجموع 6 رسالة.

بعد وصولي من السفر الاسبوع الماضي فتحت الدولاب تبعي وحصلت هذا الريموت من بين اغراضي وجلست مايقارب النص ساعه لكي اتذكر من اين حصلت عليه

ولله الحمد تذكرت بما اني فاقد للذاكره بنسبه 50% بسبب حادث في دوله الهند وجلست 3 شهور في الغيبوبه

قصه هذا الريموت من اكثر اربع سنوات ذهب الي الكويت لاشتري طائره بانزين من احد الاخوه واشتريتها منه وكان معي امر افصاح للطائره بسبب المنافذ

المهم اشتريت الطائره وذهب الي البيت وكان في البيت شغاله جديده توها واصله من السفر ثم خرجت لازور احد الاصحاب ورجعت لاجهز اغراضي للسفر للسعوديه

خلوني اتكلم بالعامه احسن :D

المهم جلست ادور الطياره وينها وينها

وين راحت فتشت البيت ونفضته نفض ماحصلت اسال الخدامه وين الطائره مو فاهمه شي بعد ساعه اشرت لي علي بره البيت في صندوق الزباله الله يكرمكم

تدرون وش حصلت يالربع الريموت وكفر واحد للطائره اثاري الخدامه قايلها الوالد ان تنظف البيت وهي مشاءالله ماخلت شي بالبيت ماحذفته بره المهم سلمت علي الريموت بس والطائره راحت

الحين برفع لكم الريموت وقولولي الريموت زين ترا ناسي كل شي انا

واذا بغيت اشغله علي برنامج المحاكاه شلون يالربع ابي تفصيل ولا عليكم امر :baaa2:

واسمحولي اذا ثقلت عليكم


تحياتي للجميع

ابشركم ترا تخرجت مهندس ;))))

https://im48.gulfup.com/sdWg3r.jpg

وعليكم السلام ورحمة الله وبركاته

اولا واهم شي هو الحمد لله على السلامه وطهور ان شاء الله وما تشوف شر باذن الله تعالى, وعليك بقراءة القران فهو شفاء باذن المولى جل وعلى.

أبشرك الريموت يعد من الريموتات العالميه الممتازه وهو من شركة JR ... وله 9 قنوات وله برمجيات كثيره تقدر تبرمج وتسوي mix للسيرفوات مثلا وما الى ذلك...

اكيد الريموت تقدر تشغل عليه المحاكيات مثل RealFlight G5 او اي اصدار اخر قديم او جديد ,, وايضا Phoenix RC او اي محاكي.. فقط تحتاج سلك التوصيل بين الريموت والكمبيوتر <<< ما عندي علم والله يالغالي اذا لابد يكون السلك فقط نوع معين وهو المعروض لشركة JR او ممكن استخدام سلك الصوت تبع الكومبيوتر,,, اخاف اذا استعملت تبع الكومبيوتر يحرقلك الريموت لا سمح الله لانو ممكن الاسلاك الداخليه تختلف.

والله اعلى واعلم.

انتظر الشباب يفيدونك اكثر باذن الله تعالى.

اتمنى لك التوفيق والنجاح

ابوعبدالله شاكر لك من القلب

وشكرا علي ردك والافادة

والله اني شوي شوي جالس احاول اتذكر

عموما ننتظر الشباب مايقصرون ان شاءالله

واكرر شكري لك تحياتي

عوده حميدا وحمدلله عل السلامه