إلى اى مدى يشكل الفقر عائقا لكى تصبح طيار ؟ وهل من حلول لتخطى هذه العقبة ؟
 

السلام عليكم,
اخوانى اريد منكم ان تشاركونى فى هذه المشكله لعلنا نصل الى حل إلى اى مدى يشكل الفقر عائقا لكى تصبح طيار ؟ وهل من حلول لتخطى هذه العقبة ؟
مع الاخذ فى الحسبان ان السن من الممكن ان يشكل عقبه اخرى فى المستقبل ! فهل من حل لكى استطيع تحقيق حلمى فى ان اصبح طيار :crazy_pilot:ولو طالت الفترة اهم شىء انى اصل لحلمى باذن الله قبل فوات الاوان:crybaby:

من وجهة نظري في حلين:-
1- الشغل وتجميع المال اللازم .
2- الإقتراض سواء من قريب أو بعيد أو بنك .

مع الدعاء في جوف الليل والصلاة والإلتزام بالإستغفار في كل الأوقات ودعاء الوالدين لك ..

في حكمة بتقول بمجرد انك تتخذ قرار لعمل شيء ما ( يعني تنوي ) فإن المعونة الإلهية ستهب لمساعدتك .. من تجربة شخصية..
الآن لازم تضع في نفسك إنك طيار وحتدرس طيران .. كيف .. حتتيسر .. بس لازم تتعب شوية في البحث عن حل ..وفي حل ..
معليش طولت عليك .. الله ييسر أمرك ويوفقك ..

اخى الكريم شكرا لمشاركتك وكلامك صحيح فهى تعتبر اهم وابرز الحلول ولكن تقابلنا فى مصر امام كل حل عقبه اخرى فامام القروض تجد الفوائد الربويه فى جميع البنوك وامام الشغل تجد اقصى مرتب 1000 جنيه فى الشهر وقول حتحوش مثلا فى السنه 12000 جنيه يعنى عشان تجيب سعر اقل مدرسه مش محتاج اقل من 5-10 سنين يكون سنك كبر وصدقنى محدش كمان لاقى الشغل ابو 1000 جنيه دة :)
تحياتى

لا عتقد انه الفقر شكل عائق نهائيا

اولا عندك البعثات الداخلية والخارجية

ثانيا عندك انك تطلع تدرس على حسابك وتحول بعثة وترجع فلوسك

وتقريبا لو تختار المدن الرخيصة والمعاهد الرخيصة مزانيتك ماراح تزيد عن 25 الف ريال سعودي

مع الغلم الملحقية ترجع لك الفلوس الي دفعتها في المعهد

اتمنى اكون افدك

مع تمنياتي لك بالتوفيق

هههههههههه
صحيح اكبر عائق الذي يواجه الاشخاص الراغبين بدراسة الطيران هو الجانب المادي ولكن هذا لا يمنع من البحث المستمر عن حلول بديلة... و انا اعرف الكثير من الاشخاص ابتعدو عن الطيران لان تكلفته غالية وانا من وجهة نظري انه اغلى من اي تخصص ثاني، والبعض بيقول ان الطب اغلى لكن مدة دراسته على حد معرفتي ٤ او ٧ سنوات بينما الطيران في مدة لا تزيد عن السنتين و مدة الدراسة له عامل بالتكلفة.
واما من ناحية القروض الذي تمنحه البنوك فمن صعب جدا الحصول على قرض سوى كان قرض ربوي او غير ربوي.
وانا من نصيحتي انك اما ان تعمل وتجمع المال اللازم لاخذ كل رخصة بمفرده الى ان تحصل على الCPL وتشتغل طيار في شركة صغيرة مثل شركات الشحن وبكذا انت تشتغل+ تجمع ساعات وخبرة يعني مثلا الان سعر الppl تقريبا 6000 دولا تحاول تجمع هذا المبلغ وتاخذ الرخصة ثم تجمع مرة اخرى وتاخذ الIR وهكذا
والحل الاخر ان تبحث عن قرض وتدرس في ارخص اكاديمية وتاخذ الFAA لانه ارخص بس بتتعب فيه لما تدور على وظيفة
وبالتوفيق انشاءالله

ما شاء الله اخى :onlinelong: حلول جميله واول مرة اسمع عنها
لو تسمح تقولى هل توجد بعثات بمصر وكيف اعرف هل توجد ام لا ! ؟
وهل معاهد الطيران الرخيصه ممكن تفرق فى فرص العمل عن الاخرى ؟
وهل توجد مدارس بهذه الاسعار 25 الف ؟ انا اقل سعر قرأته فى المنتدى 25 الف دولار معهد فونكس تقريبا !! وانا اعرف انه توجد معاهد رخيصه فى دول اخرى ولكن حذرونى من النصب :( فخفت حتى من التفكير فيها

وارجو من حضرتك شرح كيف اقدم على بعثه لانى اول مرة اسمع عنها !
وشكرا جزيلا لحضرتك
تحياتى

فعلا عندك حق ان الطيران مرتفع التكلفه جدا ولكن ان شاء الله طول مانا عايش حفضل احاول بكل الطرق وبجد
ما شاء الله عليك قدمت حل عملى وراااااااائع جدا:onlinelong: انا اول مرة اعرف انى ممكن اشتغل بكل رخصه بمفردها ياريت تقولى على اماكن مدارس ممكن تدى كل رخصه لوحدها اعتقد انه مش متاح فى كل المدارس وبجد بجد شكرا لحضرتك
تحياتى

الحلول الجميلة دى مش موجودة فى مصر يامعلم :(
فى حل كدا لو الفلوس مش هتكفى معاك اوى
انتا ممكن تدخل كلية جووية حكومية طبعا ومش هتدفع حاجة بس مش هتكون مدنى هتكون حربي

اها انا حسيت كدة فعلا :( معندناش بعثات ولا اى حاجة
وحل حضرتك للاسف مش حينفع بغض النظر انى مش عايز اصلا اكون طيار حربى ولا بطيق حياه الجيش وانها 3 سنين ومرتباتهم تعبانه ومش حكلمك عن انهم بيغيبوا عن بيوتهم فترات طويله جدا وكمان النظر واسباب ملهاش حصر عمرى ما حفكر فيها ,,,,,, ان شاء الله ربنا ييسر الاحوال :)
وشكرا لحضرتك
تحياتى

احب اوضح اولا انك ما تقدر تشتغل في اي شركة طيران بدون الcpl وهو رخصة تجارية commercial pilot license يسمح لك بالعمل وللحصول على هذا الرخصة يجب ان يكون معك الppl اولا والir ليصبح لديك صلاحيات للطيران في الليل او عند صعوبة الرؤية مثل سوء الاحوال الجوية. لكن اذا عندك الppl تقدر تستاجر طائرة صغيرة وتأخذ ركاب وتتفق معاهم على مبلغ معين .
بس مثل ما قلت ما تقدر تشتغل بشركة الا بالCPL .

وفي اماكن كثييييييييييييييييييرة جدا جدا جدا لتاخذ رخصة الppl وما اقدر اقولك وين افضل فهذا يعتمد عليك ووضعك، والحل انك تروح لجوجل وتكتب ppl course وتعمل بحث بنفسك وتختار بناءً على رغبتك والمكان اللي انت تشوفه مناسب لك.

العمل كطيار حربي هو من افضل الطرق لتصبح طيار مدني لكن غالبا ما يكون شروط الالتحاق بها صعبه مثل اللياقة البدنية لازم يكون عالي جدا وغيره من شروط بس اذا شفت انك تقدر تصير طيار حربي فانصحك ان تستغل الفرصة والتؤكل على الله

تمام :onlinelong: شكرا لحضرتك

لا حضرتك الطيران الحربى فى مصر مختلف تماما ودون الدخول فى تفاصيل للاسف نظرى مش 6/6 ولا يوجد حل للكليات الحربيه والشرطة عندنا :) وللاسف ما اقدر التحق بالجيش (معنويا)
ولك جزيل الشكر

ربنا يوفقك ياحوب ان شاء الله بس انتا لو مش مصرى كنت قلتلك اطلع اشتغل برة وانتا بتدرس بس عشان السن هيفرق

ربنا يخليك ويوفقك انت كمان ان شاء الله
وفعلا انا بفكر فى الموضوع دة بس مستنى فرصه كويسه :)

سعر الأكاديمية عندو عامل كبير .. يعني مثلاً لو في أكاديمية دراستها بتكلف أقل من اربعين الف دولار ابعد منها طوالي ..

اخر اعلان كان نازل فى مصر للطيران ان يكون السن لا يزيد عن تاريخ بدء قبول عن ال 35 عاما اما لو اتكلمنا عن الشركات الخاصة بتقبل من اى سن بشرط ان لازم تكون عامل type rating ..... و على فكرة انت علشان تتقبل فى مصر للطيران او فى الشركات الخاصة لازم واسطة لو معكش الواسطة يبقى مفيش غير انك تعمل الاتنين type rating and line training .....و انا من رأى انك لا تدين نفسك لان محدش بيضمن الوظيقة و سيبها على الله اصل ممكن تدين نفسك و لقدر الله و العياذ بالله متلقيش وظيفة فأنا من وجهة نظرى انك تدرس مجال تانى و تشتغل و بعدين تتعلم طيران و لو سنك عدى ال 35 ..يبقى خليك فى الشركات الخاصة لقيت وظيفة يبقى تمام متقبلتش يبقى عليك و على
الline training

ان شاء الله احقق حلمى قبل سن 27 اعتقد ان كمان بعض الاكاديميات لا تقبل فوق سن ال 27
انا متوكل على الله وشكرا لك اخى الكريم

عندك حق انا كمان مش بفكر فى موضوع القروض دة خاالص ولا انى استلف من حد وان شاء الله زى ما حضرتك بتقول الاقى وظيفه بعد ما اخلص كليه بالاضافه لبعض المساعدات من العائله :) وباذن الله الحق احقق حلمى
والفكرة انك تسعى ورى هدفك يعنى اعتقد ان مصاريف تعلم الطيران اقل بكتيير من سعر الشقق دلوقتى فكانى بجهز نفسى للجواز :) المشكله انك تلاقى شغل بعائد محترم يساعدك فى انك تحقق حلمك ايا كان

المال وعدم توفره في الايدي اكبر عائق امام الراغب في دراسة الطيران وهناك حلول منها
1- السفر الى اوربا او امريكا للعمل وخلال تلك الفتره يمكنك ان تدرس الطيران
2- ان تعمل في مجال يدر عليك المال في التجاره او غيرها
3- تدخل طيران حربي
4- تدرس شئ متعلق بالطيران وبعدها تحول منه الى دراسة الطيران

اما الاقتراض فلا انصح به
من الذي يضمن لك ان ستجد فرصة العمل التي بها ستسدد ما عليك من ديون

بص هو فى حركة انا عارفها من التجارة فى النت وممكن تجيب فيها سعر كويس اوى فى مدة سنة او اتنين تدرس بيهم طيران بس هو تقريبا كان فيه شبه ربا انا كنت هعمل كدا بس طلع الموضوع مش تمام دا من وجهة رايي مش عارف بنسبالك هيكون ايه ؟ شوف ولو كدا قولى وانا هفهمك الطريقة

ان شاء الله خطوة السفر دى دايما فى بالى وححاول دايما
وبردة فكرة التجارة دى حلوة اوى وححاول ابتدى بيزنس صغير كدة من دلوقتى وانا بدرس فى الكليه
ام بالنسبه لفكرة الطيران الحربى كنت لسه مقابل مقدم فى الجيش وبسأله قالى مستحيل تتقبل وانت نظرك ضعيف مهما عملت من عمليات او غيره وكمان الجيش مش حيسيبك بعد ما يعلمك كل دة فمش حتقدر تطلع منه فقالى ابعد عن الجيش خالص
وبالنسبه لدراسه شىء متعلق بالطيران عندنا هنا فى مصر مفيش اى حاجة الا معاهد بتكلفه كبيرة بردة
ولك جزيل الشكر
تحياتى

اممممم يعنى بالنسبه لموضوع الربا سواء بشغل او قروض فانا رفضه حتى لو كان فيه مجرد شبهه
ولك جزيل الشكر وبجد انا سعيد جدا بمساعدتكم كلكم بجد
الف شكر :)

اكيد هتلاقى شغل بعد الدراسة بعائد محترم بس ركز الاول فى دراستك ان شاء الله و اسعى و ربنا هيوقف معاك و يساعدك ...لا تيأس ابدا لان كل انسان قادر على تحقيق حلمه حتى لو كان فى شوية تعب بس كن على ثقة و يقين ان هيجى اليوم اللى ربنا يحقق فى كل احلامك

اميييييين يارب :) وشكرا جزيلا لحضرتك ومساعدتك
تحياتى

ابتعد عن اي دخل يدر عليك اموال حرام

ربى يرزقك ويوفقك فى تحقيق حلمك ان شاء الله ........