:: Flying Way ::

:: Flying Way :: (https://www.flyingway.com/vb/index.php)
-   شركات الطيران (نقاش وإستفسار) Airlines discussion (https://www.flyingway.com/vb/forumdisplay.php?f=114)
-   -   سؤال مستعجل عن الطيران السعودي الى كوالالمبور (https://www.flyingway.com/vb/showthread.php?t=46852)

بترولي 15-02-2009 02:14 PM
سؤال مستعجل عن الطيران السعودي الى كوالالمبور
 
السلام عليكم اخواني ::

في الصيف الماضي كان فيه رحلات من الدمام الى كوالالمبور مع اني حسب ماقال لي موظف الخطوط في ذاك الوقت انه لاتوجد رحلات عادة من الدمام لكوالا .. لكن لشدة الطلب في فترة الصيف فقد قمنا بفتح رحلات لكوالا من الدمام ...

سؤالي كالتالي : هل فيه رحلات من الدمام لكوالا الصيف القادم يعني في شهر 7 ؟؟ ماودي ابدا حجوزات في طيران الخليج وغيرها واعرف بعدين ان فيه رحلة فتحت دايركت من الدمام لكوالا :d3oh: .. ياليت اللي عنده خبر يقول لنا عشان مانستعجل

شاكر لكم ..

ولد القصيم 15-02-2009 02:57 PM
رد: سؤال مستعجل عن الطيران السعودي الى كوالالمبور
 
اخوي والله ماعندي خلفية أتصل على هالتلفون هذا السعودية بالمروج 014500000 - للعلم هذا الرقم يعمل في بعض مناطق المملكة وليس جميعها 9200222222

حسونه 15-02-2009 09:41 PM
رد: سؤال مستعجل عن الطيران السعودي الى كوالالمبور
 
اخي العزيز في فترة الصيف تفتح الخطوط السعودية رحلات كثيره من الدمام الى عدة وجهات على سبيل المثال لا الحصر تفتح الى واشنطن والى نيويورك وايضاً الى كوالالمبور لأن هده الوحهات لبس علبها طلب في الأيام العادية لكن في فترة الصيف يزداد الطلب عليها

بترولي 15-02-2009 09:44 PM
رد: سؤال مستعجل عن الطيران السعودي الى كوالالمبور
 
اقتباس:
المشاركة الأصلية كتبت بواسطة ولد القصيم (المشاركة 488524)
اخوي والله ماعندي خلفية أتصل على هالتلفون هذا السعودية بالمروج 014500000 - للعلم هذا الرقم يعمل في بعض مناطق المملكة وليس جميعها 9200222222
مشكور يالغالي ماقصرت .. يكفي تواجدك وتشريفك للموضوع

بترولي 15-02-2009 09:46 PM
رد: سؤال مستعجل عن الطيران السعودي الى كوالالمبور
 
اقتباس:
المشاركة الأصلية كتبت بواسطة حسونه (المشاركة 488892)
اخي العزيز في فترة الصيف تفتح الخطوط السعودية رحلات كثيره من الدمام الى عدة وجهات على سبيل المثال لا الحصر تفتح الى واشنطن والى نيويورك وايضاً الى كوالالمبور لأن هده الوحهات لبس علبها طلب في الأيام العادية لكن في فترة الصيف يزداد الطلب عليها
بالضبط اخوي وانا هذا اللي سمعته من الموظف السنة الماضية .. يعني رايك انتظر وماستعجل بحجوزات الطيران ؟؟ ماودي اخذ الاتحاد واوقف في ابوظبي وترانزيت وزحمة وفوق كذا اغلى تذاكر من السعودية !! عشان كذا حبيت اتأكد .. اذا عندك فكرة متى يعلنوا عن هالرحلات اكون لك من الشاكرين .

kuwaity_pilot 16-02-2009 02:54 AM
رد: سؤال مستعجل عن الطيران السعودي الى كوالالمبور
 
انا اشور عليك تروح من البحرين افضل لك خاصة وانة البحرين قريبة من الدمام
ومن البحرين تقدر تروح على طيران الخليج اذا تبي دايركت او القطرية او الاماراتية اذا تبي ترانزيت

بترولي 16-02-2009 11:12 AM
رد: سؤال مستعجل عن الطيران السعودي الى كوالالمبور
 
معك حق اخوي وكلامك صح وانا مفكر فيه .. بس اذا فتحوا من الدمام افضل وافضل ..

انت عارف زحمة الصيف في الجسر .. شي لايطاق .. ممكن تجلس 4 - 5 ساعات وانت بالسيارة !!

حسونه 16-02-2009 11:39 AM
رد: سؤال مستعجل عن الطيران السعودي الى كوالالمبور
 
اخي العزيز في العادة تفتح الرحلات من الدمام في شهر ابريل اما عن طريق البحرين فهناك رحلات كثيرة عن طريق الخطوط الماليزية وطيران الخليج و هذه تكون دايركت

بحريني وفتخر 16-02-2009 05:33 PM
رد: سؤال مستعجل عن الطيران السعودي الى كوالالمبور
 
اخوي انا اقترح عليك انك اتقوم بالحجز في كذا شركة لكن لاتدفع بس خلي رقم الحجز والبيانات عندك ... ولين اعلنوا عن بدء الحجوزات على خط الدمام - كوالالالمبور على الخطوط السعودية .. اختار الي يعجبك وادفع لهم .. والغي باقي الحجوزات.

وفي هذي الحالة راح اتكون اخترت الاحسن من حيث الراحة والسعر.

انا الحين امسوي لي حجز من البحرين إلى تورنتو .. على طيران الاتحاد و البريطانية ولحد الان ماقررت ... لان الدفع راح ايكون قبل 3 اسابيع من تاريخ الرحلة.

وبالتوفيق ان شاء الله .

بترولي 16-02-2009 06:45 PM
رد: سؤال مستعجل عن الطيران السعودي الى كوالالمبور
 
اقتباس:
المشاركة الأصلية كتبت بواسطة بحريني وفتخر (المشاركة 489640)
اخوي انا اقترح عليك انك اتقوم بالحجز في كذا شركة لكن لاتدفع بس خلي رقم الحجز والبيانات عندك ... ولين اعلنوا عن بدء الحجوزات على خط الدمام - كوالالالمبور على الخطوط السعودية .. اختار الي يعجبك وادفع لهم .. والغي باقي الحجوزات.

وفي هذي الحالة راح اتكون اخترت الاحسن من حيث الراحة والسعر.

انا الحين امسوي لي حجز من البحرين إلى تورنتو .. على طيران الاتحاد و البريطانية ولحد الان ماقررت ... لان الدفع راح ايكون قبل 3 اسابيع من تاريخ الرحلة.

وبالتوفيق ان شاء الله .
مشكور يالغالي وهذا اللي انا رسيت عليه اليوم .. خلال هاليومين بسوي حجوزاتي لحد ماتتأكد رحلة الدمام - كوالا ..

بارك الله فيكم يالغالين .. لا خلا ولا عدم


الساعة الآن 02:49 AM.

Powered by vBulletin® Version 3.8.11
Copyright ©2000 - 2024, vBulletin Solutions Inc.

حق العلم والمعرفة يعادل حق الحياة للأنسان - لذا نحن كمسؤلين في الشبكة متنازلون عن جميع الحقوق
All trademarks and copyrights held by respective owners. Member comments are owned by the poster.
خط الطيران 2004-2024