الــقـــطـــرية: تحصد جائزة أفضل شركة طيران في العالم في 2012 من Skytrax
 

فازت الخطوط الجوية القطرية للمرة الثانية على التوالي بجائزة افضل شركة طيران في العالم في حفل توزيع جوائز سكاي تراكس (SKYTRAX) في معرض فارنبورو الجوي الدولي

مـــــــبروك


المصدر
Arabian Aerospace - Farnborough: Qatar Airways wins 'Best Airline of the Year' at SKYTRAX awards

الف مليون مبروك للخطوط القطرية

شاكر لك مرورك الطيب

يستاهلون مبروك لخطوط القطريه الشي الي حاب اضيفه بصراحه من خلال تجربه شخصيه افضل الشركات باالعالم الشركات الخليجيه

ألف مبروك لناقلنا الوطني هذا التميز والإبداع
عقبال المطار الجديد ياخذ أفضل مطار في العالم وتكون الدوحة مقر ومفهوم الضيافة في كل شئ يخص صناعة النقل الجوي .

من كم يوم جيت من فيينا على A320 وكانت قمة في كل شئ للأمانة من ناحية الترفية وسعة المقاعد والخدمة ونظافة الطائرة والوجبات ، وكأنها تزداد تقدما عما كانت عليه في 2010 .

ألف ألف مبروك للناقل الأول عالميا
وأشكرك ع الخبر الحصري ياخوي انتركونتننت

بس ياليت تحصل لنا ترتيب باقي شركات الطيران

الف مبروك للقطرية معشوقتي

مشكلة القطرية بعض طائراتها للايرباص 320 او319 مااافيها ترفيه الاهل سافرو عليها من المدينة للدوحة والرجعة الى جدة مافيها ترفيه
وصراحة وجبات القطرية لك عليها ان شاء الله تتحسن

اخوي السفر على متن طائرات القطريه 320 متعب الصراحه كذا مره ركبت 320 و 321 الي ركبتهم مافيهم ترفيه و مقاعد ضعيفه مادري شلون صايره و الخدمه نص ونص الصراحه والاكل ما يحتاج اتكلم سبق واشتكيت منه و مثلي الكثير اتمنى الوجبات بالقطريه تتغير

نظام الترفيه الجديد الموجود حالياً على الـ787 راح يكون موجود على متن 24 طائرة من طراز A320 الجديدة وأيضاً راح يتم تغيير أنظمة الترفيه على 6 طائرات من طراز A320 الموجودة في الأسطول حالياً ..
وايضاً الـA320 سوف تحتوي على نظام الإتصالات الجديد الموجود على الـ787

على فكرة نظام المؤثرات الصوتيه لشاشات الترفيه يعمل 3D يعني كأنك تشاهد فلم في السينما ..

شركة Thales الفرنسية صممت أنظمة الترفيه

ماشاء الله خمسة شركات من تحالف استارالاينس شي رائع
ومبروك استمرار الخطوط الماليزية لطيران الخمسة نجوم

رائع الف الف مبروك للقطرية تستاهل ..
بالنسبة للي يقولوا بعض طيارات A320 وعائلتها في القطرية مافيها ترفيه
اقولهم احمدوا ربكم ان القطرية وضعت في بعض الطائرات هذه ترفيه لان الطائرات هذه المفروض مايكون فيها ترفيه اصلا لانها للرحلات القصيرة ..
..

هذه هي سياسات شركات الطيران للوجهات القصيرة الأقل من 3 ساعات والقطرية عندها طرازات من 320 الغير محدثه تسيرها لوجهات مثل والرياض والمنامة والكويت ومسقط ألخ ....
لكن اسطول القطرية 320 في طور التحديث المستمر ولو تلاحظ بعض الوجهات بدأت تضم شاشات ترفيه

ال 320 اللي تروح لفيينا على سبيل المثال غير عن ال 320 اللي تروح للكويت والوجهات القصيرة الأخرى بكل تأكيد ، وجهات بعيدة مثل فيينا 6 ساعات ونصف يحطون فيها ترفيه ودائما يصادف الوقت ظهر أو بعد العشاء الأمر اللي بناء عليه يستحق الراكب وجبات راهية وبدرجة كريمة أيضا .

أما وجهة مثل دبي مثلا لا وقت للمضيفين أساسا كما أن الوجبات تختلف لقصر الوقت .

المفروض تعرف هالشي بديهيا بدون ما أشرح لك.

المعذرة ع الإطالة يابوغنيم

الطيران الإسترالي والنيوزلندي خرجوا من القائمة هذا العام في ظل تطور وانضمام شركتين للقائمة وهي طيران ANA و رجوع الطيران الماليزي مرة أخرى بعد أن سقط العام الماضي ، كما لاحظت ثبات طيران الإتحاد على نفس المركز وهذا ماتوقعته كما أنني توقعت تقدم طيران الإمارات بالفعل حيث كانت العام الماضي عاشرا وهذا العام ثامنا .

ولكن المفاجئة القوية كانت من طيران ANA اليابانية حيث أنها قفزت قفزة تعتبر خرافية للمركز الخامس.

ولاحظت احتدام المنافسة مابين القطرية والطيران الكوري أسيانا إذ أنها أزاحت السنغافورية للمركز الثالث .

أشكرك من أعماق قلبي على استمرارية دعم الموضوع ياخوي انتركونتيننت

مبرووووك للقطرية على الأستمرار في المقدمه ، وبتوفيق لها وللشركات الخليجية والعربية إن شاء الله

انت كذا ظلمت السنغافورية والكاني باسيفك المفروض هم الثاني والثالث لانهم بكل صراحة خمسة نجوم توقعت ياخذون الاول والثاني بس ماااحصل

تستاهل القطرية والف مبروك

طيران الإمارات طيران فخم ووضعه الحالي في المركز الثامن لا يعني على سبيل المثال أن هناك فارق كبير بينه وبين المركز السابع والسادس كثيرا.


هنا يدخل التدقيق في الجودة مدعومة أيضا بتصويت الملايين من المسافرين من مختلف دول العالم .

ولكن في اعتقادي هناك فارق كبير بين طيران الإمارات و الثلاث الأوائل بحكم إن فيما بينهم عدة مراكز .

مستقبلا أتوقع التقدم لطيران الإمارات لأنها في طور تحديث إسطولها المستمر مابين 777 و 380 الأمر الذي من شأنه سيرفع مستوى الجودة على متن رحلاتها .

اعتقد طيران الامارات ظلم بالترتيب يعني عندك الخطوط السنغافوريه جربتها على 330 جدا عاديه فرق شاسع بينها وبين طيران الامارات يكفيك درجه رجال الاعمال والدرجه الاولى اشوفها الافضل على طيران الامارات عندك خطوط ana تحسنت كثير وصايرين نسمع عنها كثير بس ياخي لساتها طالعه ماتجي مثل طيران الامارات اما القطريه تستحق الاول ماعليها كلام

الف مبروك لاخواننا القطريييين و عقبال لجميع الخطوط العربية

القطريه تستاهل افضل شركه طيران في الكون

انتركونتيننت

ماعليش بنتعبك شوي ههههههههههههه

إذا ممكن تفاصيل الجوائز

أفضل درجة أولى + أفضل درجة رجال أعمال + أفضل درجة سياحية + أفضل مبنى للدرجة الأولى ورجال الأعمال ومن هالقبيل ....

معليش سامحنا ياخوك

مبارك لشركة الخطوط الجوية القطرية هذا الوسام وعقبال المزيد من الاوسمة

https://air.flyingway.com/up/2011/4530ac7222.jpg

ادخل موقغ skytrax تحصل كل شي ياااخوي