|
موقف أمام مطار الملك فهد
السلام عليكم منذ أسبوع تقريبا كنت في البحرين وطلعت على السعودية وبعد كذا كنت سأعود إلى مدينتي الدافئة دوحتي العزيزة المهم كنت في مطار الملك فهد وكملت الاجراءات للتوجه إلى خارج المطار فور قدومي إلى السعودية طلعت من المطار وأنا في السياره حبيت أصور طائره 777 عجبتني جدا المهم فجأة لقيت دورية تمر في المنطقه فكان معي الكيمره الأس أل أر وهي واضحه جدا عندما أمسكها للتصوير فالدوريه شافتني وأنا ألتقط صوره المهم شفتهم جايين في الطريق لي :crazy_pilot: استغربت قليلا ووجدت الشرطي يقولي لوسمحت لاتصور وإلا الميموري أو الكاميرا بنحجز عليها أنا أستغربت من طريقة الرجال وقلتله إن شاء الله من دون أن أجادله بس بصراحه أسلوبه كان سئ وكان غير حضاري :icon_arro:icon_arro فكان تعليقي الوحيد أهو ليش هذا الأسلوب وهذا الإنحواط والخوف يعني أنا واقف قدام السياره ونيتي خير أني بصور طياره 777 لاني أعشق هذا الطراز وكانت صبغتها جدا رائعه لكن الله يجزيه الأخ :d3oh::d3oh: وختاما أن ما أقول أن السعودية دوله غير جيده لاسمح الله لكن أنا أنتقدها في هذا الأسلوب وأيضا فيه دول أخرى تمنع منعا باتا تدخل المطار ومعاك كيمرا في التيلفون بعد ههه :iconloli: يعني أنا عمري ما أحب أحد يفهمني بالغلط أو بالعكس أرجوكم فهوا كلامي بعقل سليم وشكرا :mic-me: أخوكم : عبدالعزيز الهاشمي |
رد: موقف أمام مطار الملك فهد
عادي يا أخوي تصير مثل ها المواقف وتلقى هذا الشرطي مظغوط من العمل ونفسيته كلش فــ يتكلم بطريقة بحيث الشخص يفهمها غلط أو يظنها غير حضاريه ، لكن زين إنك ماجادلته لأن مهما يكون هذا أمن ، لكن على العموم هذه مواقف قابله للحدوث ، والإسلوب ترى كان إسلوب الشخص نفسه وليس الدولة كلها طبعاً ، والله يحفظ كل أهل المملكة ، ويكون في عون العاملين والموظفين على راحة وأمن المملكة العربية السعودية |
رد: موقف أمام مطار الملك فهد
اولا بسم الله الرحمن الرحيم
انا كنت طالع على 777 على الخطوط السعودية وابغا اصور الكوكبيت من بعيد شوية وجيني المشرف قلي يييييه انت قلت له خير سلامات قلي ممنوع التصوير انا استغربت و الفكرة ما دخلت راسي حتى دحين كيف يعني الكاميرا تطلق رصاص هههههههه وهذا انا كرهت الخطوط السعودية المشرف كرهني في الخطوط السعودية حتى اني سرت اقول اعفن خطوط هي السعودية سارت ناس احسن من الخطوط السعودية _____________________________________ اخوي الشرطي ما يعرف نيتك يمكن مافيا تبغا تصور الطياره عشان تسرقها او تعرف فين مكنها عشان تسرقها فهمت كذا هو كلمك اما على اسلوب حضاري اخوي دحين الشرطة عليهم ضغط على الارهاب كذا ماهو فاضي يكلمك بأسلوب حضاري عندوا شغلات فهمت |
رد: موقف أمام مطار الملك فهد
التصوير ممنوع بشده في المنشئات الحيوية بالمملكة وهذا معروف للكل.
والشرطي كان من المفروض يحجز كمرتك من دون تردد ودون تحذير لان فيه سعوديين وخليجيين تم تغييب شمسهم وتم اكتشاف انهم جواسيس لبلد مجاور اقليميا وضبطوا وهم يصورون (زيك) بكل براءة مطارات او اماكن عسكرية او منشئات نفطية. اختي الصغيره عام 2002 نهرها عسكري بمطار الملك خالد بالرياض وهي بنت صغيره وواضح براءتها لانها ببساطه كانت تصور,وانت تبيه يطبطب عليك والبلد مستهدف؟ |
رد: موقف أمام مطار الملك فهد
سبحان الله مواقفك ماتصير الا مع سعوديين ولا بالسعوديه احمد ربك ماتكسرت كاميرتك على راسك
|
رد: موقف أمام مطار الملك فهد
موقف طبيعي جدا عندنا بالسعوديه والجميع او الاغلب يعرف الاجرائات
المناطق العسكريه والمناطق اللي تقوم بحراستها وحمايتها وتسهر على امنها القطاعات العسكريه يمنع فيها التصوير منعا باتا والمطارات عندنا تابعه لهيئة الطيران المدني التابعه بدورها لوزارة الدفاع والطيران فل1لك يمنع هذا الشئ عندنا واحترام قوانين البلد واجب من مواطن او مقيم او من زائر والشرطي كان يقوم بواجبه ولما تقول ان اسلوبه ماكان بالشكل اللطيف فالعسكري او الشرطي دائما يكون في باله انه انت تعمل الشئ الغلط الى ان تتبين حسن نيتك عموما حصل اللي حصل يالغالي واذا رجعت دوحتك باذن الله صور 777 الين تشبع لان هذا شئ نحن محرومين منه ولكن لدينا اسبابنا التي تمنعه تحياتي |
رد: موقف أمام مطار الملك فهد
مرحبا اخوي بالنسبة للتصوبر فيه مكان مخصص في الدور الثالث وهو مكان مشاهدت الطائرات التصوير فيه ليس ممنوع بتحصل اشخاص اتصور من جميع الجنسيات
تحياتي... |
رد: موقف أمام مطار الملك فهد
عزيزي...
الحمدالله على السلامة اولا ثاننية احنا فالخليج بشكل عام مب متعودين على customer service يعني مش مهم التعامل مع الناس مهما كانت... لو في امريكا او اروبا مثلا, بيعطونك رسالة تقولك بادب ان ممنوع التصوير او بيكلمك باحترام لان في قوانين عن هل شيْ... اما فالخليج ما في... و انا اشوف اللي سوالك الشرطي شي لازم تحمد ربك! زين ما جووك الهيئة وقالولك حرام التصوير! هههههههههه |
رد: موقف أمام مطار الملك فهد
مرحبا فيك اخوي
بالنسبة لمطار الملك فهد التصوير مسموح فيه داخل المطار وكذلك من ساحة الشرفة في الطابق الأخير والمطل على الساحة وتقدر تصور منه الطائرات وأي شخص يعترضك وضح له ان التصوير ليس ممنوع وذلك من خلال القرار الصادر من جلسة مجلس الوزراء والذي ينص على السماح بالتصوير في المطارات المدنية التي لايوجد فيها منشئات عسكرية , وكون ان مطار الملك فهد مطار مدني غير عسكري فالتصوير مسموح وانا عندي ملف كامل بجهاز الكمبيوتر فيه اكثر من 300 صورة لطائرات من مختلف الدول والشركات مصورها من مطار الدمام تحياتي |
رد: موقف أمام مطار الملك فهد
اقتباس:
بما انه قالك ( لو سمحت ) فهو مؤدب !! |
| الساعة الآن 12:31 AM. |
Powered by vBulletin® Version 3.8.11
Copyright ©2000 - 2024, vBulletin Solutions Inc.
