اولا شكرا جزيلا كابتن نادر علي التسجيل
ثانيا احب اول حاجة اوجه طلب ليك و للاخوه جميعا و هو عدم المعايبه او السخرية من المراقب لان محدش مننا يعرف لو في مكانه كان حيكون ايه الاجراء اللي ممكن يتخذه
ثالثا انا بصراحة شايف ان الخطأ جماعي من اكثر من جهه اولا طيار السعودية , ثانيا عمليات الخطوط السعودية , ثالثا طيار فلاي دبي و ده اكثر واحد الوم عليه و رابعا في حد في وسط الموجة بينده برده عشان عايز الاتوبيس
يا جماعة المراقب الجوي مهواش مسئول عن الاتوبيسات بتاعت الركاب !!!!!!!!
الكابتن اللي زعلان اوي ان الركاب متنرفزين و بقالهم ساعة علي الطيارة دي مش مشكلة البرج دي مشكلته هو و عمليات شركته و الخدمات الارضية الخاصة بيها سواء كانت مصر للطيران للخدمات الارضية او اي شركة تانية مسئولة عن الجراوند هاندلينج بتاعه
و الجماعة اللي في النص طلبوا البرج يبعتلهم الاتوبيس كان المراقب ده ناظر محطة اوتوبيس مش مراقب جوي !!!!!!!!!!
الطيار بتاع الخطوط السعودية اعتقد انه اخطا في انه يعمل تاكسي في الظروف الجوية دي و اعتقد ان التصرف الصحيح انه كان يفضل في مكانه لانه لو كان غلط لا قدر الله و خرج برا الممر او خبط في اي حاجة كان حيشيل المسئولية كااااااااملة و حيشيلها للمراقب معاه
و اعتقد ان كان علي المراقب لما طلب منه الطيار انه يعمل تاكسي لواحده الرفض او كان يقول ليه On Own Discretion / On Own Responsibility
و في النهاية و اعتذر طبعا عن جهلي بالموضوع ده و لكن للخطوط السعودية SOP او Standard Operations Procedures
و لمطار النزهة نفس الشيء و لكن طبعا للاسف مش تحت ايدي اي منهم و لكن اتمني اني اعرف ال Minimum Visibility اللي ممكن يعمل فيها اقلاع او تاكسي قد ايه بالنسبة للمطار و بالنسبة للخطوط السعودية و اعتقد ان حنلاقي ان في مخالفات كثير ارتكبت
اعيب علي المراقب في شيء واحد الا و هو ضعف اللغة الانجليزي بعض الشيء و كمان ذكرت موضوع سماحة للطائرة السعودية بالعودة للاستاند
مع تحياتي
شكراً جزيلاً يا كابتن
وفعلاً انت محق فيما قلته لكن
يجب أن نكون منصفين حتى لو كان المراقب من بلدنا الحبيبة ورأيي فيه أن مستواه ضعيف فهذا رأيي وهذه ليست بسخرية ...
وهذا ليس معناه أن المراقبة في مصر مستواها ضيعف!!!
فعندما أرى مستوى احترافية مراقبين مصر في معظم المطارات
وأرى حال مطار النزهة أأسف أسفاً شديداً
يا رجل في مراقب مايعرفش يتكلم كلمتين انجليزي على بعض
إزاي امتحن وازاي اتعين مراقب؟؟؟وهيعمل ايه في حالات الطوارئ؟؟؟
لما بشوف مراقبين السنتر المصريين والله بيتكلموا لغات كتير بطلاقة مع جميع الجنسيات ...
طب ليه مايبقاش المستوى كدة على كله؟؟؟