يا جماعه انا محتارة اخر حاجه حصلت معايا سألت استاذ احمد منصور على الشركات الى اتعاملو معاهم
وقالى اتعاملو مع العربيه للطيران والقطرية وسما للطيران قبل متقفل ولما روحت اسال قالى انى ممكن ادفع 100 جنيه واشوف السجل التجارى وكدة
بس مفيش رقم ارضى وكل الى فى البرشور ارقام موبايل
وعندهم موقع
www.atisegypt.com
بس انا محتارة فعلا الموقع شكله جديد
ومفيش عليه اى صورولا اخبار لاى دفعات قبلنا
وهو قالى ان الشركات دى اخدو منهم ناس طب ازاى وصورهم فين وفين اخبارهم على الموقع
اكاديميه زى الى فى الاسكندريه معلوماتها واضحه واخبارها على الموقع باستمرار ودة دليل على مصداقيتها
لكن الاكاديميه دى حيرتنى جدا وخصوصا انها مش اكاديميه خاصه بذاتها
دة طلع مركز بيدى كورسات من ميكروسوفت ومحطوط اعلان كبير على واجه المركز ومكتوب اكاديمية اتيس للضيافه
ولما دخلت جوة اتاكدت انه مركز تدريب مش اكاديميه
والله اعلم اذا فعلا كانو صادقين والا بيضحكو علينا
انا كنت هروح اعمل اختبار الانجلش يوم الاحد
لكن بعد كلامكم
حسيت انها مش اكاديميه والا حاجه
ارجوكم افيدونى اعمل ايه
انا نفسى ادرس فى مجال الضيافة ولما لقيت المواعيد والمكان كويسين بالنسبالى
خصوصا انى بشتغل ودة مواعيدة بعد مواعيد شغلى حسيت انها فرصه
لكن بعد الكلام دة اتصدمت والله
ومش عارفه اعمل ايه