السلام عليكم ورحمة الله وبركاتة
وبعد
انا طيار شراعي واحد منكم وفيكم واغلبكم يعرفني لاكن حبيت اكتب باسم اخر لظروف خارجة عن الارادة ولاسباب قهرية من تعامل نادي الطيران السعودي معنا
بس يفكر في جمع الفلوس من رسوم العضوية والرخص وصارت تجارة ماصارت رياضة واحد من اعضاء الجنة المغلوب علي امرهم قال للجعويني في احد الاجتماعات ايش رايك في تخفيض رسوم العضوية والرخص قال الجعويني قفل الموضوع انا عندي رواتب موظفين واجار مكتب وفواتير كهرباء وهاتف وانترنت لازم ارفع الرسوم علشان اغطيها واحقق ربحية للنادي
انا طيار شراعي دخلي علي قد حالي يالله اسدد اجار بيتي واسد فواتيري ماني ملزوم بمصروفات النادي
واحد من الاخوان في المنتدي طرح مقارنة بين رسوم الرخص والعضوية في بعض الدول طلعنا اغلي رسوم بالعالم
وين اعضاء مجلس الادارة
الاسم
المنصب
صاحب السمو الملكي الأمير سلطان بن سلمان بن عبدالعزيز
رئيساً
صاحب السمو الأمير بندر بن سعود بن خالد
عضواً
صاحب السمو الملكي الأمير بندر بن خالد الفيصل
عضواً
(العضو المنتدب)
صاحب السمو الملكي الأمير تركي بن مقرن بن عبدالعزيز
عضواً
م. خالد بن مساعد السيف
عضواً
الكابتن/ سعد بن فهد الوعلان
عضواً
السيد/ محمد بن محمد بن لادن
عضواً
الأستاذ/ عبدالله بن منصور الجعويني
عضواً
(المدير العام التنفيذي)
الأستاذ / محمد بن يوسف الخريجي
عضوا
الكابتن/ محمد علي بن بكر جمجوم (الهيئة العامة للطيران المدني)
عضواً
الخطوط الجوية العربية السعودية
عضواً
شركة الخطوط الجوية (ســـما)
عضواً
الشركة الوطنية للخدمات الجوية (نــــاس)
عضواً
شركة أرامكو السعودية
عضواً
يعني عجزانين ماتدفعون مصروفات النادي
أولا
نطالب بتغيير مدير النادي الجعوني لانة يفكر بشكل تجاري مايعرف عن الطيران شي نبغي واحد ملم بالطيران يعرف ويقدر ظرف الشباب الطيارين الشراعيين
الجعويني ماهمة الاجمع الفلوس متاثر بوظيفتة السابقة في البنك يفكر في الارباح ولا يفكر بالتطوير او الخدمة
وكل شي بريل
حتي اذا بغي احد يقابلة يقول حدد موعد والله لوكنت بدخل علي امير ولا وزير مايعاملونك كذا
واحد من الشباب يقول انة راح للنادي يبي يقلبة قالوا عندك موعد قال لا قالوا ماهوا موجود فجاة طلع من المكتب سلم علية قل عندك موعد قال لا ونزل مع الدرج ولا عطاة وجة
بالله عليكم هذي اخلاق تتعامل بها مع الناس
وفية ناس كثير حصلت لهم معه مواقف لاكنهم مستحين يذكرونها
حتي اذا تتصل يقول لك شهاب ولا صالح ايش عندك ويش تبي فية
افتاك الواحد فيهم كانة المدير العام ولا خلاك تكلمة
الله يستر عليك ياحمد الجهني والله اذا قابل واحد وعرفة بنفسة انة طيار شراعي طلع كرتة فية رقم جوالة واعطاة وقال أي وقت كلمني ليل نهار صبح عشي لا يردك الا لسانك انا تحت امركم أي شي تبغون مستعد
مرة طلبت من الجهني اقابلة وهو مايعرفني ولا اعرفة قال انا برا المكتب بعد ساعة قابلني وفعلن جاني علي الموعد في المكتب وشرحت لة مشكلتي وحلها علي طول ونزلنا سوا الا واولادة في السيارة مشغلهم المكيف ينتظرونة قلت لة كلفت نفسك قال انا هنا لخدمتكم
واللة ماعرف الجهني ولا الجعويني الا من خلال النادي ولا لي علقة او اتصال بهم
ولاكني ابيكم تعرفون الفرق في التعامل مع الناس
من يوم تعين الجعويني نكبة علي الطيران الشراعي
ماتوا ثلاثة من افضل الطيارين الله يرحمهم
وتكسروا 10 الله يشافيهم
واوقف الطيران
نبي يحطون مديرمنا وفينا طيار شراعي الشباب فيهم الخير والبركة او واحد يقدر ضروفنا ويحقق مطالبنا كل منطقة يرشحون عنهم واحد ويشكلون لجنة للطيران الشراعي ويختارون من بينهم واحد مدير بدل الجعويني
نبي رسوم العضوية تخفض
نبي يكون فية اتصال مع النادي
ونبي نطير وبس
مانبي اكثر
بس كيف الطريقة
توقفوا جميعا عن تسديد رسوم العضوية وتجديد الرخص والله ماستفدنا من النادي شي الا دفع فلوس
وصدقوني شهرين ثلاثة وينزلون الرسوم و تصبح معقولة يترجونك تسدد ويوصلونها لك ببلاش
فية مجموعة كبيرة من الطيارين اعرفهم حلفوا مايجددونها الا اذا انخفظت الرسوم
وانا الان لي خمس سنوات ماجددت ولا طرى لي
اذا صارت ببلاش جددت
ويش استفدنا منها ومن العضوية
احد استفاد من العضوية او الرخصة يعلمنا ويش افادتة
في الخاطر اكثر لاكن خليني اشوف رايكم
سلام