الصراحة وما عودونا عليه السعودية : أنهم اذا بنوا عفوا قصدي ( جسدوا ) هلالا
فهو بالغالب آخر الشهر
بالامس بنوا نفقا جديدا جميلا في مدينة جدة ، ( 24 فقط ) نزلت أمطار لم تتجاوز النص ساعة
أغرقت النفق وأصبح الطريق مقفلا ، وبعد أمطار العام الماضي وعدونا بأن مشاكل السيول ستنتهي
الا أن أول مطر ينزل يفضح أول مشروع شيد أو ركب < عفوا خرجت عن الموضوع
أجل نتمنى أن يكون ذلك الهلال ( أول الشهر لا أخره )
تحيـ سماوي ـاتي
الصراحة أتفق معاك أخوي في النقطة اللي قلتها
ياخي اليوم أقرى أمين محافظة جدة يقول انهم في ابريل حيبدأو ترسية مشروع يقضي على مشكلة السيول في جدة نهائيـــا
والمشكلة الكبرى ، اني قاري خبر السنة اللي فاتت بعد سيول الأربعاء الأسود بحوالي شهر واحد أو شهرين .. عن مشروع إنشاء قنوات تصريف مياه السيول ، وكمان داعمين الخبر بالصور والمخططات
فين راح هذاك المشروع ؟!! شكلنا كل سنة حنسمع نفس الخبر ، اللي هوا مشروع انشاء قنوات التصريف في جدة ،، كللل سنة
بس بالنسبة للمطار ، فأعتقد انهم جادين تماما المرة هذي ، والافتتاح حيكون في موعده سنة 2014
وبالنسبة للبوابات ، ياخي حسستني اننا عندنا الكاثي باسيفيك عشان تبغانا نسوي 100 بوابة !!
مطار دبي ، اللي هوا مركز ترانزيت عالمي ومدينة عالمية ، عدد بوابات مطارها 53 بوابة ، يعني أكثر من مطار جدة بـ 7 بوابات فقط
وبعدين لا تنسا ان هذي المرحلة الأولى ، لسا عندك المرحلة الثانية حتزيد بوابات أكثر ، وما بالك المرحلة الثالثة
ولا تنسى انك تقدر توقف طيارتين a320 أو 737 أو Embraer E-175 في البوابة الواحدة
وبعدين انتا تحسب المطار بوابات بس عشان يكلف 27 مليار ؟؟ لو جبت أخوية الصغير ما حيرضى يقسم الـ 27 مليار على عدد البوابات
فين راحت الصالات ؟؟ فين راحت البنى التحتية ، الترسية ، البناء ، التكييف .. الخ ..
أنا أؤيد ان المشاريع السعودية دائما المركز الأول في التأخير ، لكن ما أؤيد ان عدد بوابات المطار عدد ضئيل وأن المشروع فاشل ..