السلام عليكم ورحمه الله وبركاته ..
انا اخوكم ياسر ادرس في كلية ينبع الصناعية وهذا اول ترم لي ..
قصتي ياخوان بسيطه وبأوجزها بسطرين .
انا كان حلم حياتي اني اقود طائره نفاثة من الصغر وياما حلمت عن الطيران العسكري . والكل حولي يدري والامور قلت ميسره الحمدلله ..
إلى ان فوجئت بعدما تخرجت السنه هذي بأن عمي ينصح والدي ويقول له عن فرص نجاحه وانه لو دخل هندسه مدنيه افضل له من ناحيه مستقبل وضمانات مالية ..والدي للإسف اقتنع بكلامه وحطم كل آمالي .. فقال لي ( تسانك تبي رضاي ياولدي اترك العسكريه )
قفلت الدنيا بوجهي وصرت حزين بهالدنيا .. تذكرت قصص اللي قبلي ممن دخلوا الطب اكراها ومن دخل الهندسه اكراها وسدت كل ابواب طموحاته وآماله .
من يوم مادخلت ينبع وانا لي تقريبا 3 اشهر وانا احضر الكلاسات بحزن وآسف على حالي ..
صرت انزل كل اسبوعين لجده عشان احب راس الشايب وارجع ..
والله اللي يعلم كيف كانت حالتي .... ،
لين جا الفرج ،، وبعد فتره من هالحال لاحظ والدي و حزن لحالي وقال لي ياولدي انا اسف اني غصبتك وهذا مستقبلك وانت حر فيه .. تعيش في وظيفة راتبها 5 وانت كل يوم تروح مبسوط ومستانس للعمل ولا تكون في وظيفة راتبها 20 وانت ماتبيها وكل يوم تعابير وجهك مليئة بالحزن والملل ..
ويعلم الله كثر فرحي بعد كلماته اللي نزلت كانها فرج من السماء .. كنت محتار مابين عقوقه والفرح ومابين برة والحزن .. وكلها معادلات نواتجها كدر وضيق خاطر ..
علموني يالغوالي . اترك ينبع واقدم على كلية الملك فيصل ؟
او اخذ هندسه كهربائيه من ينبع واقدم على الكليه الجويه ؟
مع العلم ان الانقليزي عندي ليفل 7 يعني الحمدلله النظر 6/6 جايب بالقدرات 90 %
انتظرر توجيهااتكم على احرر من الجمر واللي بيدور الاجر هذا ايميلي
[email protected]
اخوكم : ياسر المطيري