يعطيك العافيه يالغالي
صراحه ماعندي شئ
اظيفه ع الي قالوه الشباب
بكل المقاييس انت مبدع
واسلوبك راقي
لاكن :::
فيه شي صراحه ما عجبني انتقاداتك لمطار الملك عبدالعزيز وتسميته حراج الملك عبدالعزيز
يا اخي على الاقل احترم كلمة الملك عبد العزيز
ثانيا تسمية الاتصالات :::الانفصالات
والتلميح على سوء الخدمات داخل الخطوط السعوديه
عموما اذا هذي وجهت نظرك فأنت لا تعرف شي عن الخطوط
انا سافرت الى امريكا ع البوينج 777 درجه اعمال
قسم بالله خدمات في قمة الروعه وكانت افضل مما قدم لك على الاندنوسيه
للمعلوميه يعني انا لمدى 11 سنه اسافؤ على الخطوط السعوديه
والله والله ما عمري مريت برحله سيئه او تاخر او اي شي كلها خدماتهتا وطاقمها رائع (صراحه ما ادري هو حظ او صدف لاكن ربي يشهد اني ما شفت او عانيت في اي رحله )
يا اخي مهما كان احترم بلدك واذا كان عندك انتقاد خله يكون انتقاد فعال
وغير هالالفاظ
ومشكور يالغالي وصراحه جدا جدا استمتعت بالتقرير عاد لا تحرمنامن جديدك
lمعليش اخي الكريم ابتدخل شوي
الخطوط السعودية انا جربتها دولياً مرتين في حياتي مره الى مصر ومره الى اندونيسيا ومن بعدها حرمت اركبها ، وبدأت اسافر مع الاتحاد والقطرية
ابعطيك تجربتي مع الخطوط السعودية الى اندونيسيا عام 2010
ركبنا الطائرة من مطار الملك خالد الدولي بالرياض الطائرة قديمة جداً وتأخرت الطائرة ونحن في داخلها ولسا ماتحركت الطائرة وصار الفنيين يدخلون المقصورة ويصلحوا والله ان الانوار تطفي وتشتغل وما ندري وش السالفة وبعد ساعة اعتذر الطيار وقال في خلل وصلحناه!
بعد الاقلاع بدأت المضيفة توزع سماعات للصوت (طبعاً مافيه شاشات ترفيه) ولما جربتها ما تشتغل ناديتها التفت علي وقالت وهي تنفخ كأني سابها ( عارفه السماعات ماتشتغل) هههههه طيب ليش توزعونها اذا كانت ما تشتغل !
في وسط الرحلة ضغطت على زر نداء المضيفة مرة ومرتين وميه وألف ولكن لا حياة لمن تنادي ، قمت من مقعدي ورحت لهم علشان الخدمة ذاتيه (اخدم نفسك ولا انطق).
وفي الرجعة من جاكرتا للرياض نفس الشي بالضبط صار معنا !
واختم كلامي اخوي بأنه الخطوط السعودية تضع افضل طائراتها لوجهات اوروبا وامريكا ! ممكن علشان الخواجات الله أعلم!