هلا بيك ياكابتن
هناك الالف من الاكاديميات والمدارس في امريكا لتعليم الطيران ولا كن الاختلاف يكون في البرامج المقدمة ولاسعار ومقدرة كل شخص من الناحية المادية
ولاكن هناك بعض النقاط الجوهرية التي يجب ان تأخذها في الحسبان لدى دراستك في أي اكاديمية في العالم واقتبس هنا لك من موضوع الاخ كابتن طيار بعض مما جاء في من موضوعه بخصوص دراسة الطيران
اقتباس::كابتن طيار
عموما أهم النقاط إلي تركز عليها في النقاش مع المدرسة ,,
1- كم ساعة فعليه راح تطير ونوع الطائرات إلي راح تطيرها (نصيحتي طير سنجل انجن سسنا 152 فقط لا غير لأنه 172 و 182 بتكون متوفرة في المدارس وسعرها غالي وأنت مو في حاجتها لأنه السعودية طالبين ساعات طيران على طائره ذات محرك واحد من غير تحديد النوع فأنت ممكن تحقق هذا الشرط بأقل الخسائر والتكاليف عن طريق الطيران على السسنا 152 فقط)
بالنسبة للمالتي انجن الطائرة ذات المحركين راح تعرض عليك الايلاندر وهي الأغلى أو بايبر بارون أو بايبر استيك أو بايبر سينيكا وأنا دائما أفضل السينيكا لأنها ممتازة وسعرها دائما معقول ,
2-لا تحاول تقبل في بكج دائما فصل العرض يعني مثلا اعرف كم ساعة تبا تطير واضربها في قيمة الساعة يعني لو تبغا تطير 200 ساعة سنجل اضربها في سعر الساعة خلينا نفترض انه 110 بيطلع عندك 22000 توتال وبعدين زود تكاليف القراوند والملتي انجن علشان تضيق عليهم في السعر وتطلع بعرض حلو
3- اطلب من المدرسة إدراج المدة في العقد يعني خذ منهم ضمان انك تخلص في 6 شهور مثلا أو المدة إلي تحددها انتها وتراها معقولة لإنهاء الكورسات كاملة لأنه فيه شباب كثير تورطو في المدة ولهم ألان 7 شهور باقي ما استلمو رخصهم
4- حاول تتفاهم وتتناقش في أدق التفاصيل على الأشياء المشمولة والغير مشمولة في العرض مثلا الخرائط وكتب الطيران والفلايت كمبيوتر هل هم يزودونك فيها أو أنت تشتريها من بره يعني دايما خليك دقيق في كل التفاصيل واحرص انك تدرجها في العقد إلي راح توقعه عليه أنت والمدرسة ,, ودائما خليك سياسي ولا تكون سهل دائما خلك مصر على كلامك وتمسك به إلى اخر لحظه ولا يمنع انك تبتسم في بعض الاحيان, كل واحد وطريقته وذكائه في التعامل والاقناع
5- حركة الطيران ولاجواء عندهم في المنطقة
6-في الدفعات الماليه حاول دائما تتاخر على المدرسه في الدفع ولكن لا تجعل التاخير في الدفع ياثر على سير الدراسه يعني دائما حاول تقطع الدفعات مثلا كل اسبوعين 1000 دولار الاسبوع الي بعده 500 دولار يعني قطر عليهم عشان تحفظ حقوقك وعلى فكره انت باي طريقه مانت طالع من المدرسه قبل ما تدفع المبلغ كامل بس ,ودائما لا تضع نفسك في موقع الشخص الذي يطالب المدرسه خلهم دائما هم الي يطلبونك ,, لا تغلطو غلطات بعض الشباب دفع 20 الف دولار مره وحده وبعدها معامله المدرسه له تغيرت واخر شي انطرد من المدرسه والى الان هو والمدرسه في مشاكل وسفاره وماحمين ومسخره ,
7-حاول تعرف وتتاكد من الطلاب الي قبلك في المدرسه الي تبغاها كم ساعه يطيرون في اليوم وكيف المدربين وهل هناك في مرونه في تغيير المدرب لو ما اعجبك او لا ؟ وهل المدرسه تسمح للطلاب بالطيران سولو ( انفرادي) كروس كنتري من مطار الى اخر يعني دائما حاول التواصل مع احد الطلاب الي سبقوك في المدرسه واعرف منه عن ادق التفاصيل قبل ما تسجل
8- اطلبهم جدول زمني للبرنامج التدريبي موضح فيه متى راح تختبر NTC -PPL -CPL - IR عشان تضغط عليهم بالجدول الزمني الي اتفقتو عليه عشان تخلص في الموعد المحدد.
اما اذا رغبت في الانضمام الي للدراسة في اكاديمية FLIGHTS-INC لانا لديهم برنامج قوي للطيران فاهلاً وسهلا بك اخ وصديق
هذا والله اعلم