[Laara]

انا لقيت حل لسؤالي التاني في الموضوع دة


https://www.flyingway.com/vb/showthread.php?t=118956

اقتباس:     المشاركة الأصلية كتبت بواسطة reda1920  

يا معلم الفكره مش فكره ولد او بنت ..... ممكن تلاقي بس مفيش حد مالك الوقت انه يجاوبك .... التمس لاخيك 70 عذرا

المهم انا ان شاء الله ممكن افيدك في اماديوس .... اما جاليليو ف مش فاكره بالظبط لاني مش بستخدمه بقالي فتره

اماديوس

لو عاوز تعرف الفرق بين سعرين في حاله لو تعمل ري ايشووووووو
اولا هتفتح الحجز بتاعك وتعمل المدخل ده علشان تعرف منه السعر اللي انت طبعت عليه التذكره
FXX/R,25MAR12 اللي هو تاريخ اصدار التذكره يعني .... ده هيبين لك اساسي السعر + الضرائب للسعر القديم
ولو عاوز تعرف بالمره غرامه التغير هتبقي كام FQN1*PE ....... كده يبقي انت عرفت اساسي السعر القديم والضرائب وغرامه التغير

بعد كده هتضيف خط السير الجديد بالدرجه الجديده وتسعره .. بس لازم تحدد رقم السطر اللي فيه خط السير لان كده هيبقي عندك خط السير القديم والجديد FXR/S3 علي حسب بقي خط السير بتاعك .... المدخل ده هيجيبلك اساسي السعر بتاع خط السير الجديد ويعرفك الضرائب .

بعد كده هتعمل مقارنه بين اساسي السعر القديم والجديد .... وبين الضرائب القديمه والجديده .. ولو في غرامه تغير تضيفها للمجموع .... ويبقي هو ده فرق السعر .

اما علي اي سستم تاني ... زي جاليليو مثلا .... هي نفس الطريقه ... تعرف الفرق بين اساسي السعر والضرائب للسعر القديم والجديد بالاضافه الي الغرامه لو في ... بس مع اختلاف المداخل طبعا ... واللي انا زي ما قلتلك قبل كده اني مش فاكرها .

اما بالنسبه لسيبر فهو بقي سستم محترم لانه بيحسب فرق السعر اتوماتيك وانت كل اللي عليك انك بتضيف غرامه التغير لو في .


ويارب اكون افادتك بأي معلومه .... ولو في اي غلط يا ريت الاعضاء المحترمين يصححوا .


والله الموفق والمستعان