شكراً للإخوة المشرفين على حذف الردود غير اللائقة ، وليتكم داخلتوا من زمان كمشرفين الصراحة من أول ما كتبت الموضوع وأنا أقول يا إخوان تكلموا من دون شخصنة ولا تجريح خلونا نطلع بفائدة .
طيب أرجع لقضية كلامك عزيزي تقول : أعطني الأسباب لأتلافاها ، أظن سكاي تراكس مفصلتها نقطة نقطة ، وهذا طبعاً للقاريء ، أما لإدارات الشركات المشتركة مع سكاي تراكس فأنتم تعرفون أنها تعطيهم تقرير مفصل بالضبط عن التقييم ، لماذا لم ترد الخطوط عليه ؟
وبعدين خبرة أي مشغل لا تتعدى كونه مشغل ولو بقدرة إدارة فائقة وهي تختلف عن خبرة المطور اللي يعتمد على المقارنة المرجعية .
يعني كمثال : سكاي تراكس قالت التعامل مع التأخيرات نجمتين ، والإعلام يقول التأخير عند الخطوط السعودية مشكلة ، وأي واحد متأخرة رحلته بأي مطار بالمملكة ما يمكن يعرف حقوقه ولا واجباته وينتظر أي إعلان ، ووممكن تصير زحمات وإزعاج وغوغائية مثل ما صار بمطار جدة العام الماضي وببساطة :
ليش ما الخطوط تعلن للركاب تقول لما تتأخر طائرة هذي الإجراءات اللي نتخذها ، وهذي الطريقة اللي نعلن فيها عن التأخير ، وببساطة تنتهي المشكلة وناخذ خمس نجوم .
أما نلف وندور ونقول التأخير عندنا قليل ولا حاجة للتعامل معه بنظام ، خلو كل مشكلة ولها حل بوقتها ، هذا ينتج لنا جيل من المشاكل لا نهاية له .
التقرير المفصل يجب ان يعلن للعامة وليس ارسالة لقسم الصادر والوارد بالخطوط
عموما نحن نرد على تقييمهم بما نراه نحن ونحاول ان نقارن باحترافية قدر الامكان
ذكرت العديد من الامور وانا شخصيا عانيت منها ومعك حق في كل كلمة ذكرتها لكن كافة ردودي هي كلمة حق لا اريد الاحتفاظ بها لنفسي
اخيرا بشأن الخطوط وعدم ردها على التقييم فهذا امر اداري خاص بهم لكن نحن كعشاق للطيران ولهذه الشركة نرد حتى لو كان ذلك على مستوى صغير واولا واخيرا هي قناعات واراء تختلف بيننا لاختلاف زاوية منظورنا للمشكلة
تحياتي لك ولنقاشك المميز