تحت امرك في اي استفسار ..
عداد الـ Altimeter على لوحة قيادة الـ ATR مشابه للعدادات المستخدمة في الطائرات الأخرى ذات الـ Analog panel ..
والصورة بالأسفل توضح شكل هذا العداد ..
ركز معايا ف الصورة , هتلاقي اسفل اليسار tuner او بكرة ضبط .. دي بتستخدم لضبط الـ Altimeter setting , فين بيظهر الـ Altimeter setting ؟؟ - بص ف يمين العداد اسفل المنتصف بشوية .. هتلاقى اربع ارقام ( فوق رقم 4 في تدريج الـ Index ) .. هو دا الـ Altimeter setting .. وفي الصورة هتلاقيه 28.82 ..
بالرجوع للشرح اللى بالأعلى الوحدة المستخدمة هنا لقياس الضغط الجوي الأنش الذئبقي .. وبالتالى فالقراءة هي 28.82 Hg ..
الرقم دا بقى يا كابتن بيضبطه الطيار على المستويات التلاتة اللى ذكرتهم بالأعلى , لو ضبطته على الـ QNH هتقيس ارتفاعك من فوق مستوى البحر , ضبطته على الـ QFE هتقيس ارتفاعك من فوق سطح الأرض .. ضبطته على QNE هتقيس الـ Pressure altitude ..
علشان نكون متفقين .. مفيش حاجة اسمها تحويل QNH لـ Transition altitude ..
وانت طالع من المطار ( Take off ) بتاخد من المراقب الجوي الـ Local QNH في clearance المغادرة ..
ATC : you're cleared to XXXX airport .. blah blah blah , QNH 2984 ...
خلى بالك المراقب هنا قالك الـ QNH بالأنش الذئبقي , وانت عدادك الـ Altimeter setting بتاعه بنفس الوحدة , لو عدادك بيشتغل على الهيكتوباسكال , هتحول من هيكتوباسكال لأنش ذئبقي و فيه جدول بيكون مع الطيارين للغرض ده ..
هتحرك البكرة اللى بتغير الـ Altimeter setting لغاية ما يبقي 29.84 ... تمام لحد هنا !! هتعمل الـ take off ..
هنفترض ان الـ Transition altitude فوق المطار على ارتفاع 4000 قدم , اول ما الـ Altimeter يقرأ ارتفاع 4000 قدم , هتحرك البكرة علشان تغير الـ Altimeter setting من 29.84 الى 29.92 .. اللى هو الضغط المعيارى ..
يبقى انت كدا حولت الـ Altimeter setting من QNH الى QNE ...
بتعرف الـ Transition altitude بطلب من المراقب الجوي ..
Pilot : Cairo Tower, Report Cairo transition altitude
Cairo Tower : TA is 4000 feet
و بيكون موجود في خرائط الأبروتش
من الصورة الـ Transition altitude هو 5000 قدم , والـ Transition FL هو FL065 يعنى على ارتفاع 6500 قدم ..
في خرائط اقتراب ممكن تلاقى مفيش ارقام و مكتوب TA : By ATC .. في الحالة دي بتسأل الـ ATC عن الـ TA ..
طيب وبالنسبة للتحويل من QNE الى QNH .. وانت بتعمل descend و بتقرب من مطار الوصول , بتبقى ضابط العداد على QNE , منطقياً لأنك وانت طالع من مطار المغادرة بعد ما عديت 4000 قدم حولت من QNH لـ QNE ,
هتشوف الـ Transition FL في مطار الوصول ايه .. بنفس الطريقتين .. سؤال المراقب او من خريطة الأقتراب لأي مدرج من مدرجات المطار , وبتسأل المراقب الجوي عن الـ Local QNH لو مذكرهوش ليك ف clearance الأقتراب ..
ATC : you're cleared for ILS 05L approach , descend xxxx feet , QNH 2821
او ATC Please report local QNH
هنفترض انه عند مطار الوصول FL 70 .. يعنى على ارتفاع 7000 قدم ..وانت نازل : 9000 قدم 8000 قدم ... اول ما عدادك يقرأ ارتفاع 7000 قدم , هتحرك البكرة بتاعت الـ Altimeter setting من 29.92 لـ 28.21 ...
كدا انت حولت من QNE لـ QNH ...
في كابينة الـ ATR هتلاقي العداد هو هو نفس اللى شرحتلك عليه فوق ..
هو العداد اللى على يمين شاشة الـ PFD اللى قدام الكابتن و المساعد , عند الكابتن هتلاقيه تحت رقم تسجيل الطيارة C-FJYV ...