[Esraa.MD]

السلام عليكم ورحمة الله وبركته

كيف حال الجميع ان شاءلله بخير

اولا انا حابة انزل تجربتي على خطوط الاتحاد , بالنسبة ليا مستحيل مستحيل ارجع على دي الخطوط لانها سيئة للغاية مع احترامي الشديد

اولا الرحلة كانت من جدة الى ابوظبي الى شيكاغو يوم 18 اغسطس

2 بالغين و 1 رضيع
بدات المشاكل من رحلة ابوظبي الى شيكاغو طبعا طويلة جدا وطلبنا سرير للطفل الرضيع , اعطونا سرير والله العظيم صغير جدا يادوب احط في لعبة و طفلي عمرو 3 شهور والسرير صغير وتخيلو تحت رجلي السرير يعني المكان صار جدا ضيق وقبل مايعطوني السرير , الرضيع جالس معايا على نفس الكرسي تخيلو يقولولي ايش نعملك طيب

بعد كدا جا وقت الاكل ونحنا كنا قاعدين والله يكرمكم دورة المياه قريبة جدا ما بيننا وما بين درجة رجال الاعمال , وطفلي يبكي ويحتاج الى تغيير الحفايض اكرمكم الله والمضيفة تقلي ممنوع تقومي الين نعطي كل الركاب الاكل ممنوع تقومو من محلكم قمنا قلنالهم طيب دورة المياه قدامنا اهو قالو لا ممنوع بعدين تزعجو كبار الشخصيات , والولد يبكي يبكي يبكي ويصرخ تخيلو نتراجهم تقلنا انسسو.

المهم وصلنا امريكا الحمد لله وفجاة نكتشف انهم ضيعو عربية ولدي , احنا حطينا عربية الطفل في الشحن ونكتشف انها ضاعت ويقولو خلاص ضاعت ازا تبغوا نعطيكم فلوسها جيبو الفاتورة حقت سعر العربية ونعطيكم الفلوس , يعني العربية مشترينا من شهوررر كيف نجيب الفاتورة والله حرام حتى ماعرفنا كيف نطلع من المطار لانه طبعا في امريكا نظام لازم الطفل يجلس في كرسي سيارة ممنوع احد يحملو طب ايش نعمل والخطوط ضيعتلنا العربية في الشحن ,و لحدت الان يقولو جيبو الفاتورة ونعوضكم غير كدا مالكم شي عندنا

قسم بالله تجربة سيئة جدا انا جربت الالمانية و الاردنية و الاماراتية والسعودية اما الاتحاد بالنسبة ليا اسوأ شي في المعاملة