|
سفير المنتدى في أمريكا
|
|
تاريخ التسجيل: 24 - 04 - 2007
الدولة: U.S.A
العمر: 34
المشاركات: 999
شكر غيره: 0
تم شكره 7 مرة في 7 مشاركة
معدل تقييم المستوى: 3268
|
|
|
السلام عليكم ورحمه الله
شوف حبيبي انا ماعمري سمعت فيها ولا زرتها مع العلم العنوان حقها يبدو كان قريب من الاماكن الي زرتها في اورلاندو لكن للاسف ما شفتها ..لاني في العاده وي ما بروح بحاول اتفقد الاماكن الي فيها اكادميات
بعد ما تطلعت على الموقع الالكتروني لهم لقيتها اكادميه بسيطه... لا استطيع ان احكم عليها انها كويسه ام لا لكن يبدو انها شركه طيران خاصه وفي نفس الوقت مدرسه طيران وانا لا احبذ هاذي الانواع من المدارس لانهم مايوضفو مدربين كثير و بيستخدمو المدربين لطيران الشركه.... يعني لا تتفاجئ لما يغيب المدرب الخاص بيك لمده اسبوع لان في عندهم مجموعه مسافرين ويحتاجون الى نقلهم من مكان الى اخر و بيضطرو يعطيك مدرب ثاني لين ما يرجع مدربك و لما تطير مع مدرب ثاني مايعرف انت ايش تحتاج و وين وصلت في التدريب ولا متعودين على بعض بتحس انو في فجوه كبيره صارت ... وبتتكرر هاذي الحاله كثير وخصوصا لما تكون في مرحله البرايفت بتأثر سلبا عليك لانك بتحتاج الى متابعه اكثر
عدد طائراتهم قليل وهاذ ليس عيباً ولكن العيب في الموضوع ان الطائرات غير متجانسه!! التشكيله حقتهم ماراح تستفيد منها انت... يعني مثلا عندهم شي 2 سيسنا جديده و جلاس كوكبت وعندهم 2سسنا عاديات وعندهم دايموند وبايبر (اختلاف كبير بينهم) انت في مرحله البرايفت بتبلش على سسنا او بايبر وغالبا عدادات وهاذ معناه انك بتطير على واحده من الاثنين الي عندهم وعلى ما يبدو قديمات شوي (كل الطلاب الي في مرحله البرايفت يطيرو عليها و انت واحد منهم)وبالتالي ممكن تدخل صيانه كثير لانها قديمه شوي ويسبب تاخير...ماتقدر تحول من عدادات الى جلاس كوكبت لانك في مرحله البرايفت لسى جديد على الطيران ولما تطير على جلاس كوكبت بتحس ان الدنيا كلها تغيرت حواليك ولازم تعيد فهم الاشياء من جديد وهاذ بيخسرك فلوس و وقت... ناهيك انك لو حولت على بايبر او دايموند الي يختلف فيها الفلايت كونترول بشكل كبير عن السسنا و السرعات و البروسيجرات وغيرها من الامور.. عندهم طائرتين ملتي انجن واحده قديمه و الثانيه ماراح يخلوك حتى تتصور جنبها (خذها نصيحه من مجرب) ..طائره واحده فقط للسنجل انجن وهي البايبر 1977 الي كنت اعتقد انها انقرضت عن مدارس الطيران ولكن يبدو انو في ناس لسى تستعملها
بالنسبه للسعر فـ بصراحه مابعرف كيف هم حسبوه لكن احساسي زي الي يروح للسوق عشان يشتري موبايل و كل الانواع المشهوره قدامه وعلى غفله يلاقي جهاز صيني حق 5سيم كارت بنفس الوقت وفيه مميزات ام ام الايفون وبسعر رخيص ولكن بعد ما تشتريه تقول انا شورطني بهالجهاز الفاشل لو اشتريت المعروف احسلي من وجع الراس
انا بحاول اضهرلك العيوب حق الكليه وهاذ لا يعني ان المدرسه سيئه ولكن للاسف لن تستطيع رؤيه الوجه الحقيقي للمدرسه الا اذا دخلت معاهم وهنا انت وحضك عاد.... الكلام المعسول مكتوب في الموقع حقهم مايحتاج اذكره
|