ان مدحت مطار سنغافورة لاني موبس شفته انا زرت هالمطار اكثر من 30مرة اطول مدة كانت 12 ساعة واقصر 3ساعات ولامست فيه اشياء غير موجودة في لي مطار اخر وسبق وقلت لك مطار شانغي يميزه الخدمة الموجودة فيه انا عشان كذا حكمت عليه لكن الباكر وانت حكمتو على مطار حمد بس من الشكل وكل كلامك عن التصميم ومراعاته للبيئة والخ انا جربت مطار الدوحة صراحة خدمتهم جدا عادية سواء في الكاونترات ومنطقة الترانزيت وانا نا اتكلم عن الخدمة
وانا كراكب يهمني الخدمة في المقام الاول وانا عشت 7 سنوات في اليابان وكنت اتنقل في الدول الاسيوية بكثرة اسيا اللي يميزها الخدمة واعيد واكرر الخدمة وعندهم مبدا ان السلعة او المنتج منتهي امره بس كيف نسوقه ونعرض فتشوفهم يبتكرون طريقة لعرض المنتج وهذا ينطبق على مطاراتهم وخطوطهم فيهتمون في الخدمة لانه المطار او الخطوط ممتازين
عكسنا تمااام نهتم بالمنتج ونهمل العرض مثلا شوف مطار دبي صالة 3 روعة وفخم بس شوف الخدمة عااادية واهتماماهم بدورات المياه اجلكم الله عادية تكاد تكون متسخة وتحصل بعض الراكب الله يصلحهم يرمون مخلفات اكل بس وين دور عامل النظافة وايضا في المصلى في صالة 1 بدون فرش ودورات المياه رائحتها كريهة
ومطار اادوحة اسفل عند الباص تحصل الناس ترمي الزبائل في الارض وين دور عمال النظافة
وانا ضربت مثال لمطارين فيهم شركتين مرموقة
انا ان شاء باذن الله اذا القطرية انتقلت لمطار حمد راح اجي حتى لو بس ساعات عشان اشوف هالمطار وهويشتغل بكامل مرافقه
وللمعلومية انا ماااحكمت على مطار حمد لاني ماااشفته ولااشتغل كامل بس كان ردي انا الباكر كيف مطار حمد راح يتفوق عالكل وهو مااشتغل بكامل مرافقه
بس انت مشكلتك مازرت مطار سنغافورة واستمتعت بخدمتها عشان كذ تدافع عن مطار حمد لمجرد بس التصميم
وانت شايف راي الاخ مواطن كويتي عن المطار وغيرهم لانهم مجربينه
واسف على الاطالة واتمنى لمطار حمد النجاح
يا أخي القضية مش قضية دفاع هداك الله !
أنا أساسا ماحكمت على مطار حمد حتى الآن
فقط رأيت بعض المعطيات وبعض المعلومات والفيديوهات والاخبار والبعض منها مكتوم إعلاميا
أما الباكر شبه يوميا يأتي للمطار ويعرف مزاياه ونقاط قوته التي يراهن عليها
لذلك علينا الانتظار وسنرى بإذن الله.
أما أنت قمت بتهميش مطار حمد وكأنه مطار الدوحة الحالي !!!
وقمت بذكر مزايا عديدة في مطار سنغافوره هي موجودة أساسا بمطار حمد
بل وبشكل متطور ... باستثناء حديقة الفراشات والزحليقة وهذا غير مبرر.
وأقولها لك صريحة ، لا أتوقع أن يتفوق مطار سنغافوره على مطار حمد لعدة أسباب تشير إلى ذلك
منها رؤية الحكومة في مطار حمد اللي من تصميمه الخارجي والداخلي كفيل بأن يرسم في مخيلتك أن الداخل مذهل.
هل تظن أن مطار بهذا الشكل الجمالي المبهر والمبلغ الضخم ستكون خدماته ومرافقه دون المستوى !؟
لا أريد الاسهاب في المديح ولكن ثق تماما أن مطار حمد سيصدمك أثناء زيارتك له لإيماني وثقتي في رؤية القادة لدينا في مطار حمد على وجه الخصوص.
وصدقني أكبر الباكر عندما راهن على قاعات الدرجة الاولى والبزنس لم يتحدث هكذا !
بل هو يعي تماما مايقوله
كيف لا ! والمبنى المخصص للدرجة الاولى والبزنس في مطار الدوحة الحالي حقق التفوق على العالم لعدة مرات !! فكيف بالله عليك ستكون تلك القاعات في مطار حمد !!
سنرى الافتتاح الكلي في 27 الجاري
وأتوقع سيتم تصوير جميع المرافق في التلفزيون
سأنقله لكم هنا بإذن الله تعالى
شكرا لك على التواصل طال عمرك