القمار موجود في كل مكان كما أشرت ولكن ليس بالمستوى والزخم الموجود في لأس فيغاس.
كلامك في محله يا اخوي ولكن لا يعتبر سبب إن مانروح لاس فيغاس
لأن حالها كـ حال آي مدينة سياحية فيها مثل ما قلت سابقاً الوصخ و النظيف و الزين و الشين
عموماً رحلتنا هذه تعتبر جزء من جولة لولايات أمريكية أنا مع الشباب هذا الصيف
و اخترت لاس فيغاس تكون البداية لأن أول ما وقعت عليه العين ههههههه من الولايات الأخرى
و إن شاء الله بعد شهر رمضان الكريم نرد نكمل ولايات إخرى
الحين الي إتفقوا عليه الشباب إن نروح لاس فيغاس الحين ولما نرجع قطر ، بعد شهر رمضان الكريم إن شاء الله نرجع أمريكا مره ثانيه لزيارة ولايات ثانيه
والشكر موصول لك على وجودك في الموضوع و نصحك و الله يجزيك الخير
اخوي الكابتن القطري .. نصيحتي لك اترك لندن وتعال لوس انجلس وخلها اربع أيام .. فيها سياحة ترفيهية غير معقولة وان بغيت مساعدة انا حاضر .. بالنسبة للقيادة في أمريكا هي نفس القيادة في دولنا لكن مع الالتزام بالنظام .. يعني ماتغير مسارك بدون ماتعطي اشارة .. الاتزام بالسرعة المحددة.. تقاطعات stop لازم توقف عندها ثانيتين حتى لو مافيه احد .. استخدام القارمن مفيد جدا .. واستمتع بالرحلة .. انا متواجد حاليا في سياتل في ولاية واشنطن وبعد شهر باكون في كالفورنيا ان حبيت تستفسر عن اي شي حاضرين طال عمرك .. نسيت اقولك لاتنسى تخصص كم يوم لسان دييغو .. كثير الناس يفضلونها حتى على لوس انجلس ولاس فيغاس .. تتميز بالشواطئ وايضا السي وورلد
معلومات حلوة وايد عن القيادة هناك عجبتني اخوي ، بالنسبة لـ لوس إنجليس جايينها إن شاء الله
الآن الي ودنا فيه هي بس رحلة كأنها دايركت فيغاس و نرجع بدون التوقف في آي ولاية أمريكية
فـ خطة البرتيش وايد زينه و للحين نفكر فيها
اقترح عليك يالغالي تاخذ الخطوط السعودية او الاماراتية لين لوس انجلوس ثم من لوس انجلوس تاخذ سيارة و تسير فيغاس و تقعد على اقل كم من يوم في لو انجلوس
و صراحه تحتاج سيارة في لوس انجلوس لان المسافات بين اشهر الاماكن شوي بعيده
يعني من هوليوود لين سنتا مونيكا بيتش ياخذ تقريباً مال 20 دقيقه
و عن سواقتهم لا تحاتي فـ وايد نظامين
و عن لاس فيغاس هذيل بعض الفنادق الي اقترح عليك تسكن فيهم
Wynn Las Vegas
https://www.booking.com/hotel/us/wynn...9e224551a5b0X1
Bellagio
https://www.booking.com/hotel/us/bell...9e224551a5b0X5
Aria
ARIA Resort Las Vegas, Las Vegas, USA - 2311 Guest reviews. Book your hotel now! - Booking.com
و اذا ناوين تدفعون اكثر خذو السويت لان صراحه يكون شي خرافي
انا جربته في Aria يتكون من طابقين و يكون شي خرافي صراحه
و عن الاماكن السياحيه في فيغاس
شارع السترب الي توجد فيه الفنادق
سيروا امشوا فيه و ادخلوا كل الفنادق عشان تشوفونهم صح ريولكم بتعوركم من المشي بس بتستانسون
و دور ايضاً تور حق Hoover dam ياخذونك بالسيارة او الباص و يروونك المكان
و ايضاً انصحك تسير الـ grand canyon بس بالهليكوبتر صراحه هاي بتكون تجربه رائعه و بتستانس
و مدينة الملاهي فوق قمه برج الستراتوسفير
و ان شاء الله لا تنسى توافينا بالتقرير اذا كل شي تم على خير
أشكرك من آعماق قلبي على ها المعلومات و النصايح الجميلة الي بصراحة أثلجت صدري
بكلم الشباب عن الي قلته هذا كله بـ إستثناء موضوع الخطوط السعودية و طيران الإمارات
يا جماعة مظطر أكون أقرب طريقة ممكنة في المسافات لو إخترت إحدى الشركتين
مشكلة التوقف أنا ما أحبها يعني راح تكون ترانزيت أوقف في الرياض أو دبي
ع الأقل لو البرتيش وقفت بتكون قريب لندن - لاس فيغاس أو اليونايتد نيويورك - فيغاس
لكن الشركات الخليجية مصيبه
والله يعطيك العافية على ها المشاركة الطيبه و المفيده
اترك البريتش و اليونايتد و اطلع من دبي الى لوس انجلس ومنها كود شير الى فيغاس او خذ سيارة من لوس انجلس
ما أقدر صرت مربوط بـ رأي الشباب شكلهم حبوا فكرة اليونايتد أو البرتيش وخيروني ما بينهم !
أنا لو بس آخ تروح شركة دايركت من قطـر فيغاس برتاح ههههههههه
لاس فيغاس حدها 3ايام عكس لوس انجليس روعة انا رحت لفيغاس فترة الكريسمس جلست فيها يومين بالنسبة لي كانت كافيه
وأنصحك بالبريتش في الذهاب خط سيرك دوحة لندن لاس فيغاس وفي الرجعة لوس انجليس لندن الدوحة افضل لك وأوروبا في النصف عكس لو تطلع اي خطوط خليجية راح تكون الرحلة 16ساعة الى لوس انجليس طبعا تعب عليك راح يكون
وبذلك لوحاب تروح من فيغاس الى لوس انجليس عندك خيار تستأجر سيارة والقيادة مثلنا او تقدر تطلع باص من فيغاس الى لوس انجليس ومن هناك استأجر سيارة عاد لوس انجليس كبيرة ومن غير السيارة ماتسوى لان المواصلات عندهم سيئة
وجهة نظر وبالتوفيق في رحلتك
عيل ما في إلا البرتيش ومثل ما قلت نقلص عدد الأيام و نقعد يومين في لندن
إوروبا هي الآنسب حتى الآن في نظري
الله يعطيك العافية
تعداد سكان لاس فيغاس حوالي 600 ألف
وإذا حسبت روادها السواح من الأجانب قد تصل لمليون ونصف على أقل تقدير نظرا لشهرة المدينة ومعالمها السياحية الساحرة وأهميتها التجارية في المجال الإعلامي والسينما.
هناك الكثير ممن يقصدونها من جميع أنحاء العالم وتسيير القطرية رحلاتها إليها آت لا محالة ولكن القطرية تنظر إلى اسواق أهم منها تجاريا وأكثر كثافة سكانية ، بعد ذلك ستسير لها بلا شك لأن موقع القطرية الجغرافي يساعدها كثيرا في نقل المسافرين لها من آسيا ومثل هذه المدينة تحتاج لشركة طيران تتمتع بشبكة ضخمة من الوجهات لتسويقها والنجاح فيها.
لا أستبعد تسيير القطرية رحلاتها إليها في غضون السنتين القادمتين على أقصى تقدير لأن القطرية تقريبا غطت وجهات العالم.
شوف بعد الي الوضع الي شفته لو فعلاً القطــرية إفتحت وجهة إلى لاس فيغاس دايركت من الدوحة
تكون بذلك أول شركة عربية في الشرق الآوسط تتميز بهذه الوجهة لأن فعلاً شيء مميز بيكون
و آي أحد يطري عليه فيغاس راح تكون القطرية خيار أمامه لأنها دايركت
يمكن ما يوقفه إلا ترانزيت بلاده لكن كـ مواطن قطري راح يسهل عليه لأنه من الدوحة
حتى لو إفترضنا الطيارة ما كانت الحجوزات فيها فل ع الأقل في عدد راح يسعد بالوجهة هذه