[Rona]

اقتباس:     المشاركة الأصلية كتبت بواسطة draculaghost2007  

يا كابتن أحمد أنا لم أذكر أنك مهمل في القسم

مجهودك في القسم لا يستطيع أن ينكره أحد و أنا أولهم
لكن ما أقصده أن الأعضاء الحاليين معك في القسم لن يستطيعوا النهوض بالقسم كما تريد لأنهم لا يعرفون شيئاً عن الضيافة الآن فبالتالي لن يستطيعوا كتابة أي مواضيع غير عن كيفية وصولهم للمهنة أو باختصار ما يسمى بطلبات التوظيف
فلا يوجد في القسم مضيفين غيرك أنت و قائد السرب و الأخ ديماس
يعني ثلاثة فقط هم من يستطيعون أن يتحدثوا عن مهنة الضيافة في المنتدى
و الفعال منهم واحد فقط و هو أنت
هذا ما قصدته و أعتقد أن ما قلته هو الواقع بالضبط
و أعتذر إذا كنت ذكرت أن مهنة الضيافة عملها غير معقد و لكن أنا لا أعرف عنها غير ما ذكرته انت في المنتدى و اعتقدت أنك قد حصرت جميع مواضيعها

و تقبل تحياتي

يا مصعب معتقدش أنو عشان مفيش حد فينا لسة أشتغل مضيف يبقى دة مبرر أنو نحط طلبات توظيف
ولو لسة مبقيناش مضيفين فدة مش معناه أنو منقدرش نحط مواضيع تتعلق بلمهنة دة والدليل على كدة فية مواضيع ومشاركات منى ومن بعض أخواتى الأعضاء كلها عن الضيافة الجوية وما يتعلق بيها ومش مخالفة للقوانين
أظن أنك يا مصعب بتدخل على قسم أكاديميات ومدارس الطيران وأنت لسة مبقتش طيار , يعنى تخيل لو القسم دة أتقفل أنت حيكون احساسك أية
وبعدين مش معنى أنو مفيش مضيفين بيدخلو على القسم دة كتير فيبقى تعاقبونا ويبقى ذنب الكابتن
ولية منقولش أنو القسم دة بيساعدنا أنو نكون مضيفين وأكيد لو ربنا أراد أنشاء الله نقدر كلنا نحط تجاربنا ويبقى فية أكتر من مضيف ومضيفة ونرد الجميل للقسم ومشرف القسم
وبعدين معتقدش أنو من قوانين القسم الزام تواجد المضيفين عشان يستمر القسم
ومعتقدش أنو جميع المواضيع المتعلقة بلضيافة الجوية تمت تغطيتها لأن مع الوقت المهنة دة بيحدث فيها الجديد ومفيش حاجة ثابتة , يمكن أنت يا مصعب مش شايف كدة عشان أنت مش عاوز تكون مضيف أو مش حاطط الموضوع فى دماغك عشان كدة شايفة محدود
وأتمنى متزعلش من كلامى يا مصعب أنت زى أخويا الصغير
بس متتخييلش لما شفت كلام الكابتن أنو القسم ممكن يتقفل حسيت بأحباط أد أية