اطلع يانصعب من نفوخي ,, خخخخخخخخخ لحسن
معرفشي ليه حاسس إنك بتزعق و متنرفز عليا
على العموم أنا رأيي في الموضوع ده هو إنك تسيب أي حد يكتب الموضوع اللي هو عايزه حتى لو كان حد سأل نفس السؤال قبل كده بس مش لازم تجابه أو مش لازم إحنا نجاوبه و نكتبله الإجابة تاني لكن نحطله روابط المواضيع القديمة و نقوله تصفحها و بعد كده هو لو كان لسة عنده استفسارات تانية أو مفهمشي حاجة في المواضيع الموجودة في الروابط هيجي و يطلب توضيحها و احنا أو أنت نوضحهاله و ممكن بعد كده أنت لو عايز اعمل للموضوع إغلاق لكن بعد ما يكون اللي بيسأل حصل على الجواب اللي هو عايزه و طالما المواضيع مفيدة سيب الأعضاء يتناقشه فيها مرة و اتنين و تلاتة بشرط أن يكون النقاش في صلب الموضوع الأساسي و يمنع الهزار و التهريج في المواضيع و بس
و بص أنا هقولك على حاجة المشكلة اللي أنت بتتكلم عنها و هي عدم النظام في القسم دي كانت الأول ... لييييييييه ؟؟ .... لأن إحنا كنا بنهزر في قلب المواضيع نفسها و نخرج عن الموضوع الأساسي فكنت تحس إن المواضيع عاملة زي غرف الشات بتاع الماسنجر كل موضوع مختص بموضوع معين الأعضاء بيهزروا فيه لكن بعد ما حضرتك طرحت فكرة المجلس الجميلة دي المشكلة دي تقريباً اختفت و بقى كل اللي عايز يهزر أو يهرج يدخل المجلس و مبقاش حد بيهزر في قلب المواضيع زي الأول
و بعدين طالما كده كده الأعضاء بيدخلوا المنتدى و بيقضوا فيه وقت فخليهم يقضوه في مواضيع مفيدة و نقاشات مثمرة و يساعدوا الأعضاء الجدد بدل ما هما قاعدين يهزروا و يحكوا في المجلس و يضيعوا الوقت في الفاضي ... أكيد المواضيع اللي أنت بتحذفها دي النقاش فيها مهما كانت مكررة أفيد من قعدتهم في المجلس و لا إيه ؟؟؟!!!!
و على العموم ده رأيي الشخصي في الموضوع
بس أنت زعلان مني و لاحاجة ... بتكلم بجد و الله .... أصل اطلع من نفوخي دي ماحدش يقولها لحد إلا إذا كان متنرفز و مخنوق من اللي بيكلمه
و تقبل تحياتي