شكرا علي الصور بس احب اوضح معلومة و هي
اولا بالنسبة لكابتن عبد الرحمن رائد الافكار مينفعش ان بلدين يتشاركوا في الكود الخاص بيهم و شلكن الوضع ان لبنان في نزاعات بينها و بين اسرائيل و حتي لا يتم استهداف الطائرات اللبنانيه لانها مسجلة في لبنان فتم تسجيلها كلها في فرنسا لتكون تحت حماية فرنسية بمعني اخر
ان الطيارة بتعتبر ارض تابعه للوطن الخاص بيها زي السفارة بتسري عليها قوانين الدولة المسجلة فيها و لو تفتكر الطيار علي مراد اللي عمل مشكلة كبيرة في مطار غزة لانه رفض ان جنود اسرائيلين يطلعوا الطيارة بالسلاح لتفتيشها باعتبارها ارض مصرية
ثانيا لو لاحظنا التعليق المكتوب تحت الصور فحنلاقي ان اللي مكتوب هو :
Operating a sub-contracted charterflight for Corendon Airlines (CAI623). This airline is a new Egyptian start-up!
يعني الطائرة تعمل بنظام التشارتر مستأجرة لشركة تركية اسمها كوريندون للطيران يعني الشركة دي مأجرة الطيارات و بتشغلها تشارتر لشركات تانية
بالنسبة للاخ الفاضل اللي بيقول ان الطيارة متاجرة من الخطوط الفرنسية احب اصحح معلومة و هي ان الطائرة تاريخ حيتها كالتالي :
الرقم المسلسل للطائرة 615
الطراز 320-211
تاريخ اول رحلة 09/07/1996
تسجيل الطائرة في مصنعها قبل تسليمها في فرنسا F-WWBR
الطائرة اولا كانت لشركة استراليه اسمها Ansett Austarlia استلمتها في 10/09/1996 و توقف بعد كده عن العمل و كانت تحت التسجيل VH-HYQ
بعد كده راحت الطيارة لشركة اسمها ميناجيت تحت التسجيل الحالي و هو F-OKRM و الكلام ده كان في 1/8/2004 و كانت مؤجرة من شركة اسمها HFS
الطيارة بعد كده انتقلت لشركة سعودية و هي شركة ناس NAS و فضلت تحت نفس التسجيل و ده في 2/2/2007
و رجعت بعد كده لمينا جيت المصرية في 21/3/2008 و احتفظت بنفس التسجيل يعني ممكن تكون لسه مؤجرة من نفس الشركة HFS
و اخيرا في 1/5/2008 انتقلت للشركة الحالية و هي المصرية الدولية محتفظة برده بنفس التسجيل و بتشتغل تشارتر لحساب شركة اخري تركية اسمها Corendon Airlines
اتمني اكون وصلت المعلومات المفيدة بخصوص الموضوع
تحياتي