أخوي غرشوب ..مشكور على أجاباتك .
أنا لما قلت واسطة قصدت أنه ممكن يتوصون فيني فقط لاغير (موقصدي يدخلوني لو كانت الشروط لاتنطبق علي) .
وبالنسبة للسباحة :سؤالي كان كذي قلت يمكن يخطر على بالهم يسوون إختبار سباحة وأتفشل جدامهم(ترا ياخوك تراني أغرق بشبر ماي )
ولو تكرمت أسألي ياهم هل سيستمر البرنامج للسنتين القادمتين.؟(لأني الحين يالس أدرس ثاني ثانوي )
ولوسمحت قلي شو هي الإختبارات التمهيدية الي خضعت لها ؟
ان شالله بسالهم ..
بالنسبه للاختبارات فهي
اليوم الاول : امتحان فيزيا \ رياضيات \ انجليزي \ عربي \ هندسة \ معلومات عامة (عن الدول وعواصمهاا .. الخ)
الاختبار الثاني هو السايكوموتر طبعا اختبار معرووف
والثالث هو القروب اسسمنت
بعدها المقابله
ملاحظه : لقروب اسسمنت تكون قبل المقابله وتكون بنفس اليوم تحت اشراف المسؤولين الي راح يعملون لكم المقابله ..
بين اختبار القروب اسسمنت و المقابله في وقت فراغ بيعطونكم ورقه فيها اساله اسمه (اختبار الشخصيه او تحليل الشخصيه)
بناءا على هالاختبار وواختبار القروب اسسمنت بيحللون شخصيتكم
من ثم يسوون لكم المقابله
مثلا .. في اختبار القروب اسسمنت لازم تتعاون ويا زملائك لحل قضية معينة ..
في اختبار تحليل الشخصية بيسألك سؤال .. هل انت متعاون مع زملائك ؟
طبعا لازم تحط نعم .. في حال حطيت لا .. بيسالونك في المقابله كيف تقول انك متعاون وانت ماتعاونت ويا زملائك بالقروب اسسمنت !!
فلازم تكون ذكي وتحلل شخصيتك مثل ماهي يعني لاتفكر ف السؤال وتبقى عليه نص ساعه
جاوب على حسب شخصيتك .. بيكون عندكم تقريبا 53 دقيقه
وبالنسبه للقروب اسسمنت 25 دقيقه
وللمقابله نص ساعه او ساعه كامله
وبالتوفيق للجميع :)