س1 : آخر سفرة كانت لك وين ؟
آخر سفرة كانت إلى دولة الكويت الحبيبة
س2: أقصر سفرة وأطول سفرة بحياتك ؟
أقصر سفرة .. المملكة العربية السعودية ( 5 ساعات)
أطول سفرة ... شهر ونص ( أستراليا وماليزيا )
أقصر رحلة في الطائرة ( الدوحة - 40 دقيقة او يمكن اقل)
أطول رحلة في الطائرة ( 36 ساعة ) من سيدني إلى البحرين عن طريق ملبورن - بانكوك - دبي.
س2:ايش أجمل مطار شفته ؟
مطار كولالالمبور الدولي
س3: ايش الدولة اللي تحب تزورها ؟
كندا (وإن شاء الله راح ازورها في الصيف اذا الله كتب )
س4: تذكار محتفظ فيه من أي دولة وهو ايش ؟
ونا عمري 5 سنوات رحت مرة الجزيرة الي في مدينة بتايا وخذيت من التراب الناعم الي على الشاطئ وحطيتها في زجاجة ( قرشة ) وللحين محتفظ فيها.
س5:نبي صورة لدولة تتمنى تزورها ؟
س6: أكلة تحب اذا زرت أي دولة تتمنى تذوقها ؟
ماعندي ولا اكله أحب اكلها او اجربها ( امووت في الاكل البحرين والخليجي)
س7: أي دولة تعجبك من قارة آسيا – أفريقيا- أوروبا- أمريكا الجنوبية- أمريكا الشمالية ؟
آسيا : تايلند ( زرتها تقريبا 17 مرة من كان عمري سنتين)
أفريقيا : جنوب أفريقيا
أوروبا : بريطانيا
أمريكا الجنوبية : البرازيل
أمريكا الشمالية: كندا
س8:أجمل مكان شفته بسفرك ؟
جبل الغيوووم في ( شينج ماي ) تايلند
س9: كم مرة سافرت بحياتك ؟
ماعرف بالضبط الرقم الحقيقي ... بس أكثر من 40 مرة.
س10: موقف محرج صارلك في سفرك ؟
مرة كنا رايحين تايلند معا الاهل طبعا .. وبالاخص مدينة ( شينغ ماي) وكان عندهم فيضان .. فطبعا التكاسي ماتقدر اتحرك لان منسوب الماء مرتفع تقريبا متر او نص متر ... فركبونا الشاحنات الي ايشيلون فيها التراب و الوصخ ( وكان منظرنا معا الحقايب وايد محرج وفي نفس الوقت ايضحك.
س11:ايش هوآخر كتاب قريته يتكلم عن السياحة ؟
ماذكر بصراحة متى آخر كتاب قريته
س12:ايش يعني لك السفر وهل تحب تسافر ؟
السفر في الاول والاخير ... تغيير جو عن الروتين الممل الي انعيش كل يوم وخصوصا الدراسة الي اتعب المخ .
وبدون السفر احس بضيقة خلق وان شي ناقصني في حياتي.
أكيد أحب السفر .. واحلى لحظات السفر الي احبها وقت اقلاع وهبوط الطائرة بشرط اكون قاعد يم النافذة ( الدريشة).
س13: شيء لا تستغني عنه في سفرك ؟
اللاب توب - الايبود - PSP
س14: اختار عضوين من المنتدى وسافر وياهم وقول لنا لوين ؟
طبعا أختار أخوي وصديقي العزيز محمود ( إمبراطور الطيران ) الي شجعني على كل مواضيعي وساعدني في الكثير من الاشياء.
واختار اخوي طيران الجزيرة ايسافر معانا لانه بعد عزيز وغالي.
طبعا دام ان خاطري اروح كندا ( انطير لها) 
س15:نصايح تقدمها للمسافرين ؟
لاتسافر الا ونت حاجز لك فندق واتعرف او سألت عن البلد .. يعني لاتروح على عماك ... ودائما حط بالك على الجواز والاشياء الثمينة ... يعني حتى لو في الفندق لاتحط اغراضك الغالية في الدرج .. دايما حطها في الsafe box ( التجوري).
س16:كلمة أخيرة لقسم السفر والسياحة ؟
أشكر كل القائمين والمساعدين في قسم السفر والسياحة ... واتمنى من كل عضو انه يشاركنا بتقارير رحلاتها سواء ان كانت صور الرحلة بالطائرة او الاماكن السياحية .. وذلك للمنفعة العامة ومساعدة الاعضاء في اختيار الدول المناسبة.
الف الف الف الف شكر لجميع المشرفين .. واقولهم ماقصرتوا ويعطيكم الف عافية على المجهود الملحوظ والمتعوب عليه في سبيل الارتقاء بمنتدانا الغالي.
وكل التوفيق لجميع الاعضاء والله لايفرقنا ولا يحرمنا منكم .