مساكم الله بالخير
س : أقصر سفرة وأطول سفرة بحياتك ؟
أقصر سفرة كانت من مطار عليا الاردني الى مطار القاهرة مبنى الركاب 1 مدتها خمسة واربعين دقيقة على متن مصر للطيران وعمري ما انسى مشهد الهبوط ، اول ما عملت الطائرة تتش داون سمعت صوت تصفيق رهيب جدا من الركاب للكابتن رمضان طه ، واستغربت لهذا التصفيق فعلا لأن عندنا بالخطوط عمره ما يحصل هذا الشي الا نادرا وفي حالات معينه .
س : ايش أجمل مطار شفته ؟
المطارات كثر بس عربيا : مطار دبي بالتأكيد ، وتريمينال 3 لمطار القاهرة
س : تذكار محتفظ فيه من أي دولة وهو ايش ؟
تذكار محتفظ فيه عبارة عن عملة نقدية فيها توقيعي وتوقيع اللي اهداني التذكار
س : أكلة تحب اذا زرت أي دولة تتمنى تذوقها ؟
احب الحريرة في المغرب ، والباشميل بمصر ، واذا اتيحت لي الفرصة كشري بس من دون عدس ههه
س : كم مرة سافرت بحياتك ؟
لا ، كثير طبعا
س : موقف محرج صارلك في سفرك ؟
اهههههه المواقف المحرجة ما اطيق عصير المنجا على الطيارة لأن مواقفة صارت معي وانا راكب عادي انه سكب على ثوبي وكان من قبل شخص معي .والاطفال برضو الله يحفظهم يبهدلوا اللي معاهم ههههه
س : ايش هوآخر كتاب قريته يتكلم عن السياحة ؟
والله الحقيقة ما أقرأ كتب لأن تكون عندي معلومات سابقة او معلومة من قريب او زيارة سابقة لي . بس الحقيقة يوم كنا ننزل فريق او عائلة جدة كانوا يوزعون كتاب جدة غير ، وجدة فعلا غير
س : ايش يعني لك السفر وهل تحب تسافر ؟
شيء لا يوصف مع ان النبي عليه الصلاة والسلام قال انوه قطعة من العذاب
س : شيء لا تستغني عنه في سفرك ؟
المصحف الكريم واذكار الصباح والمساء والحسد هههه مفروغ منه
بالإضافة الى جوالين ولاب توب وكاميرا
س : اختار عضوين من المنتدى وسافر وياهم وقول لنا لوين ؟
والله اختي ام ملاك لو اذكر ما راح اخلص ، يعني اسمحلي لي بختار اكثر من اثنين وهوذل بس اللي في المنتدى : ما نستغنى عن الغالي احمد الفهد ، ابو عابد الجهني ، الغالي مشروع دراسة طيران ، كابتن حسين ، الغالي محمد سكاي ويرد ، راعي الفزعة ، طارق الفهد ، ابو عبد الله ، ابو مروان ، كابتن احمد وائل ، كابتن محمد ، انا جالس اقول اني يارب ما انسى احد لكن كلهم لهم معزة وغاليين على قلبي جدا ويعرفون انفسهم واي شخص ما ذكرته لا يقول ابو فهد نساني او ما يحبني لكن العتب عالذاكرة هههههه
س : نصايح تقدمها للمسافرين ؟
نصايح للمسافرين : ان ما احد يفرط حق الله في حله وترحاله ، ودائما اكتب قائمة بأغراضك وحط جمبها علامة صح اذا كان الشيء موجود معاك ، وانتبهوا من عصير المنجا ههههه
س : كلمة أخيرة لقسم السفر والسياحة ؟
الله يوفقكم يارب ، وماشاء الله القسم عامر بكم وانتم شعلة المنتدى وطريق الشخص للرحلات السعيدة ، وشكرا لك ام ملاك والتوفيق حليفك ، اتمنى اكون ضيف خفيف .
دائما وابدأ أخوكم / أبو فهد