السلام عليكم ورحمة الله وبركاته
الأستاذ الكريم رضا
انا رحت النهاردة عشان أقدم في وظيفة ضابط حركة التحميل، بس للاسف وصلت متأخر شوية حوالي الساعه 11 والحمد لله لاقيت طابور ما شاء الله عينيك متجيبش آخره بدون مبالغة، يعني عشان تقف ويجي دورك مش أقل من ساعتين
قلت خليها يوم تاني طالما لسة في وقت للتقديم ونبقى نعمل حسابنا على الساعة 7 الصبح نكون هناك
المهم رحت مبنى شؤون الموظفين الخاص بميناء القاهرة الي خلف الجامع الموجود هناك أكيد حضرتك عارفه
لاقيتهم عاملين اعلان عن حاجتهم لمهندسين في مجالا لكمبيوتر والاتصالات بشرط الخبرة
والحمد لله ورقي اتقبل ومليت ابلكيشن هناك وسلمته وأخدت ايصال بمعاد امتحان في معهد القوات المسلحة في اول الشهر الجاي ان شاء الله
اسأل حضرتك:
ايه الفرق ما بين الإعلانات الخاصة بمصر للطيران الي في المبندى الاداري بجوار صالة 1 والوظايف المعلنة في ميناء القاهرة الجوي؟ يعني أقصد هل العاملين بميناء القاهرة الجوي مش بيبقوا تبع مصر للطيران ولا بيبقوا تبع ايه بالظبط؟ ولو حصل نصيب وربنا وفقنا فيها، مقر العمل بيبقى فين؟ بيبقى في وزارة الطيران المدني الي على اول الطريق ولا فين بالظبط؟
وياريت حضرتك لو تفيدني بمعلوماتك عن ايه هو نظام الامتحانات الخاص بهم اكون شاكر لك جدا، انا قدمت في وظيفة أخصائي دعم العملاء لأن الباقي مشترطين يكون خريج هندسة 5 سنوات
اشكرك مرة أخرى
أستاذ عمرو
فيه معلومه خطأ لقيت اغلب الناس مصدقينها
وهى ان جميع العاملين فى المطار هتكون تبعيتهم لمصر للطيران
المطار فيه تقريبا 13 جهه غير مصر للطيران
مصر للطيران ، وزارة الطيران المدنى ، هيئة الميناء ، الملاحة لجوية ، القابضة للمطارات ، الجمارك .000000 وهكذا
يعنى الاعلان اللى حضرتك قدمت فيه ده تبع هيئة ميناء القاهرة الجوى ولا يمت لمصر للطيران بأى صله