[TCAS]

شوف يا طويل العمر كل دولة لها نظام دراسي مو كل واحد يدرسك بكيفه

او بالاحرى ممكن ما تلاقي احد يدرسك بكيفك انت

مثلا المدارس في امريكا على سبيل المثال

في مدارس تخلص فيها في 6 اشهر وفي مدارس اقل شي سنتين وفي النهاية الرخصة وحدة

لكن طريقة التدريس لها نظام مختلف
ابو سنتين دراسة اكاديمية يعني تدخل جامعة او كلية وتنزل مواد وكانك في الجامعة مادة للجو والطقس ومادة للملاحة وهكذا وكل مادة عاد تاخذ فصل دراسي كامل وووو وفي النهاية في اختبار

الرخصة وحدة لكن الفرق هو انك راح تحصل على شهادة من الجامعة تقول انك درست عندها بنظام اكاديمي

هذا مثال بس عن امريكا والفرق بين مدارسها

تجي تروح كندا كندا لازم تجلس اقل شي اذا مرة مرة انت ممتاز راح تجلس سنه ونص ونظام مختلف تماما عن امريكا


تجي تتكلم عن جنوب افريقيا جنوب افريقا اقل شي سنتين ونظام معقد زي كندا نفس النظام لانهم يصدروا لك رخصة متوافقة مع النظام الاوروبي


روسيا المشكلة فيها اللغة مايدرسوك انجليزي وهذي كارثة كبيرة جدا

لان الطيران بصفة عامة اول شي تحتاجه في المجال حق الطيران عموما الانجليزي سواء في صيانه طيارة او في الاوراق الادارية او في اي شي يتعلق في الطيارة كلوا انجليزي وستاندر عالمي

انتا من الفلبين مو مشكلة تكلمني واكلمك انجليزي

انت من فرنسا على عيني وراسي نتكلم انجليزي
انت من موزنبيق اهلا وسهلا برضوا انجليزي

وروسيا مافيها انجلش للاسف حتى عليهم اشياء كثيرة وعلامات استفهام كثيرة في اللغة

ومنها لو تابعت التاريخ شوية راح تلاقي طيارة 747 الي كان عليها الكابتن الشبيلي الله يرحمة لما صقعت فينا الطيارة الروسية
كان في مشكلة مع الفلايت انجنير حق الروسية في فهم رسالة بالانجليزي
وودى ارواح الناس شربه

عموما هذا قضاء وقدر لكن دور مكان يتوافق مع الشي الي انت راح تشتغل فيه

بالنسبة للتكاليف الفلبين الان هي نوعا ما ارخص دولة شفتها الى الان والله يسهل لك