[ولاء حمدى]

يا جماعه ساعدونى انى افهم وجاوبونى عن كل الاسئله دى اللى مش لقيلها اجابه..اولا انا ليسانس السن واول ما تخرجت اخدت كورسات ticketingوخلصتها الاساى والمتوسط والمتقدم وبعدها اخدت كورس تدريبى فى مكتب مصر للطيران اسمه الكرنك فى فندق الموفنبيك اللى اسمه دلوقتى لوباساج واستنيت الفرصه ان ينزل اعلان علشان اقدم فى وظيفه ظابط حجز لانها كانت حلم عمرى وحصل ونزل اعلان فى شهر 12 وروحت وامتحنت فى تخصصى ايطالى ونجحت واتددلنا انترفيو بالمطار ودخلت الانترفيو الاولى ولما عرفت انى اتدربت على اماديوس سيستم قالتلى ممتاز وفى المقابله التانيه كنت كويسه جدا وانا بقدم نفسى وبقول انى اخدت كورسات فى المطار رئيس القطاع التفتلى وقالى اخدتى كورسات ايه بالظبط وقلتله وحسيت ان ده كان كويس واتباشرت خير انى هقبل فى الوظيفه ان شاء الله وللاسف كانت الصدمه لما طلعت النتيجه انى ملقتش اسمى بس انا مش عارفه السبب ايه مع انى كنت كويسه جدا وحسيت ده من اللجنتين اللى امتحنونى وكمان انا متدربه كويس على نظام الحجز باماديوس ونزلت فعلا تدريب واتعاملت مع العملاء وخبرتى كويسه واتفاجئت برده ان الناس اللى خدوهم من اللى كانوا مقدمين معايا ظباط حركه بس وماخدوش حجز ...انا مش عارفه ايه السر ..انا صحبتى كانت مقدمه معايا وهى نفس مؤهلاتى يعنى ليسانس السن ايطالى بس مش معاها اى كورسات عن الحجز ولا اى فكره بالموضوع ده وربنا كتبلها نصيب وقبلت...انا محتاره مش عارفه ايه السبب انهم رفضونى؟؟؟...وبعدين بعدها بقتره لما فوقت من الصدمه اتصلت بواحد فى تعيينات مصر للطيران وقالى ان اسمى موجود على قائمه الاحتياطى رقم 250...هو كده فى امل انهم يطلبونى ولا خلاص كده؟؟؟انا سمعت انهم مبينزلوش اعلان تانى مدام فى ناس على قائمه الاحتياطى...الكلام ده صح ولا فيه احتمال انهم ميطلبونيش خالص؟؟؟وكمان سمعت انى مدام مش معايا واسطه يبقى صعب اوى انى ادخل المطار...ياريت حد يجاوبنى على كل اسئلتى بليييييييييييييز