السلام عليكم ورحمة الله وبركاته
بالنسبة للسؤال الأول لايوجد إبتعاث للطيارين في الخطوط السعودية إلى الآن
السؤال الثالت تكون عندك الشهادة الثانوية وتكون عندك لغة إنجليزية وما يطلبو شي في القدرات والتحصيلي
وبالنسبة للسؤال الرابع دراسة الطيران تختلف من مدرسة ل مدرسة تقريبا
ثاني شي الا يقلك حسب المجهود كلامه صحيح إنت تسأل كيف أقلك كيف
حتكون عندك كتب تذاكرها وحيكون عندك ساعات طيران تخلصها
إذا إنت إنسان مجتهد حتدرس زين وتطير الساعات بسرعة وتقعد تذاكر وتجتهد بنفسك
وإذا لا قدر الله إذا الواحد راح وقعد يلعب ما يدرس زين حيطول في مدة الدراسة
لإنو المدرسة مح تسحبك من فلينتك وتقلك تعال أدرس لأنك بتدرس على حسابك محد لو صلاح فيك إنت أجتهد وخلي الباقي على الله
والمدة غالبا تكون من 8 شهور إلى سنة إن شاء الله
وبعدين مين قالك إنو مدارس الطيران تخرج من 300 ساعة والخطوط طالبة 4000 ساعة
مدارس الطيران تخرجك بالساعات الا إنت تبغاها زي ما تبا
والخطوط السعودية طالبة بس 270 ساعة
وإن شاء الله لو خلصت الدراسة وقدمت في الخطوط وعديت الاختبارات بمشيئة الله
يكون فيه سرى بس إن شاء الله خفيف
وطبعا لا تنسى إنك حتدرس هنا كمان في أكاديمية الأمير سلطان لعلوم الطيران
وإذا بالنسبة إذا طيار عنده رحلة على قولك من الرياض للدمام في الظهر
ممكن يرجع في نفس الوقت وممكن يرجع في الليل وممكن يقعد كم يوم
لإنو يكون عندك جدول حق الرحلات على حسب الجدول يعني
وإن شاء الله ما أكون قصرت في الإجابات
والله يوفق الجميع إن شاء الله