بصراحه حاليا بديت افضل الحجز عن طري النت و انا بالبيت ادخل على اكثر من موقع و اشوف الاسعار و الي يعجبني احجزه
صح أن الحجز على النت أريح و يعطي الواحد فرصه أنه يشوف كل شي على راحته و ممكن يوفر أسعار ممتازه
لكن من خلال تجربتي لماليزيا على سبيل المثال الصيف الي فات عن طريق النت حصلت ديلوكس سويت في فندق برجايا تايم سكوير ب 36 دينار الليله و غير شامله الضرايب (15%) و من غير ريوق وعند المكتب ب 40 دينار شامله الضرايب و الريوق يعني عالنت يطلعلي فرق 4 دنانير على الليله
بالنسبه لاستراليا الفندق الي أبيه (كورتيارد ماريوت) ما حصلته عالنت (مفول) وأساسا اسعاره الي كانت متوفره غاليه بينما عند المكتب ب 30 دينار فقط
المكاتب في منهم ياخذ عموله وايد عاليه او انه يتعامل مع وكلاء حجز أسعارهم نار لكن من تجربتي مع سفريات المستقبل أشوف أن أسعارهم هي الأفضل
شخصيا استغربت وايد من كون المكتب أسعاره أفضل من النت لكن هذا الواقع الي صار معاي
علما اني كنت أبحث في مواقع عالميه مثل
HOTELS.COM
EXPEDIA.COM
ASIAROOM
ASIAWEBDIRECT
وغيرهم الكثير
من ناحية انهم ما يتصلون فهذا شي طبيعي لازم تروح عندهم المكتب و نطر دووور و يقعد الموضف جدامك ماله خلق من كثر الشغل و التعب لغاية ما تقرر انك ماتسافر لوووووووول
تحياتي
الكلام الي قلتيه صار معاي بالضبط
الشي البايخ و الي يحز بالخاطر اني رايح لهم و متعني و هم قالولي ندق عليك باجر وآخر شي ...
يمكن خيره