|
احمد تذاكر
|
|
تاريخ التسجيل: 16 - 08 - 2009
الدولة: UAE.SHJ
العمر: 37
المشاركات: 214
شكر غيره: 0
تم شكره 0 مرة في 0 مشاركة
معدل تقييم المستوى: 2106
|
|
|
رد: اخطر رحله (موضوع تفاعلي )للجميع
الموضوع يا جماعه سهل وبسيط
ولو حصل حاجه وانت راكب الطياره دي بتبقى اقدار وربنا لي مقدرها
خليكوا يا جماعه ريلكس خالص وان شاء الله الامور كلها بتعدي على خير :)
انا عن نفسى ممكن اسافر مرتين في السنه مره في الصيف ومره في الشتاء بس بنزل على مطار النزهه بالاسكندريه على طيران العربيه او مصر للطيران وفي جميع الاحوار بترعب من الهبوط والاقلاع لان المدرج قصير فلازم الطيار ياخد اقصى سرعه له مع اعلى زاويه ارتفاع او هبوط لدرجه اني بحس ان الطياره بتاخد شقلبه في الهوا من شده سرعتها .
وفي اخر رحله على طيران العربيه وانا طالع من مطار اسكندريه متجه لمطار الشارقه كان بجنبي واحد لسه اول مره يسافر وفي وضع الاستعداد الطياره بيشغل المحركات باعلى سرعه واذا بالطياره تتهز كأنك ماشى على ارض صخريه يبصلى ويقولي هوا ايه لي بيحصل .... اقوله عادي عادي متقلقش بكره لما تاخد على السفر هتحس ان الامر عادي وشويه وبدأ الطيار في التحرك وشغل المحركات باقصى سرعه لدرجه اننا حسيت اني اتلصقت بالكرسى في مكاني لقيته بيبصلى باستغراب كبير جدا قلتله ما تقلقش بتحصل عادي وبعدين خد زاويه الاقلاع بالطريقه الحاده جدا لدرجه اني حسيت اني قلبي وقع وبقى في معدتي بدأ صاحبنا يستشهد وانا فطسان على نفسى من الضحك ... شويه والمضيفه جايه تقولى يا استاذ في ايه لي بيضحكك قلتلها ابدا اصل الاخ اول مره يسافر على طياره .
|