السلام عليكم
يسعدلي مساكم حبايب قلبي اعضاء و مشرفين ..
اولا اتشرف اني اكون واحد من اعضاء و اسرة خط الطيران اللي اتمنى فعلا اني اكون واحد من كباتنها يا رب ..
ياهلا فيك ياكابتن والشرف لنا جميعاً في هذا الصرح
انشالله اكون خفيف على قلوبكم ..
حبايبي استفسار واحد بسيط و ياريت تنصحوني و تدلوني ع الطريق الصح و تكونوا عملتوا خير في اخوكم ..
انا بعون الله ناوي اطلع ع الفلبين لدراسة الطيران بس طبيعي انا مازرتها قبل كدا و ما عندي اي معلومه عن البلد بصفه عامه و الطيران بصفة خاصة عشان كذا طلبت مساعدتكم و شورتكم و انشالله و انا متاكد انكم ما حتخذلوني و لا حتبخلوا علي بشوي من وقتكم و خبرتكم ..
استفساراتي :
* ايش هي نوع المعلومات اللي لازم تتوفر عندي للطيران ؟
اهم شئ كابتن انك تروح تسوي كشف طبي في احدي المستشفيات الخاصه ((مشتسفي عرفان باقدو) وهذا الكشف خاص بالطيران عند الدكتور اسمو عبدالمنعم وقيمه هالكشف اعتقد من 1500الى 2700تقريباً حتي تروح وانت مرتاح ,,,,
* ايش افضل مدرسة لتعليم الطيران مع العلم ان امكانياتي محدوده جدا ..؟
والله اخوي يوجد الكثير من المدارس في الفلبيين مدرجه في هذا القسم حاول تاخذ فررره في الفسم ورايح تلقي الخير الكثير باذن الله ,,
* افضل مدينة من ناحية المعيشه و السكن الخ.. و ياريت تكون مدينه متواضعه و مصروفاتها سهله .؟
كذالك موجوده مع هالمدراس المدن
* ايش انواع الطيارات و الرخص المعتمده دوليا و في الخليج و اليمن بصفه خاصه ..؟
انواع الطائرات التي يتم الدراسه عليه هي من النوع السيسنا ومنه 152و172وهذا النوع بمحرك واحد فقط ويوجد ملتي انجين اي بمحركيين
* انا عندي ضعف نظر و البس نظارة طبيه للمدى البعيد هل الشي دا يضرني مهنياً ..؟
مافي مشكله لو كان نظرك واناا اخوك 6/6 بالنظاره اهم شئ لاتسوي عمليه ليزار واهم شئ لايكون عندك مشكله في عمي اللوان لاسمح الله ....
* اخيراً .. انا يمني من مواليد السعوديه يعني ما اعرف اي شي عن اليمن غير اسم الرئيس .. في امكانيه اني اتدرب في الخطوط السعوديه او اي اخطوط طيران داخل المملكه او الخليج ؟
مع الاسف الشديد لايكمن انك تدرب في الخطوط السعوديه ولاغيره لانهم عندهم كوادر كامله من طيارين ومهندسين اي شركات تحتاج كابتن جاهز وذلك للربحيه الشركه
آسف ع الاطاله و ارجو من ذوي الخبرة افادتي بالمعلومه الصحيحه عشان ابدا اشق طريقي و انا مرتاح نفسيا و عارف التزاماتي..
الله يوفقك كابتن ويكتبلك الطيب باذن الله ....بس اهم شئ انت كم الميزانيه الا انت حاطه ،،
و جزاكم الله الف الف خير ع المساعده اللي حتقدموها لي ..
اخوكم / رايد اليحيى .
الله يوفقك اخوي ويسهلك امورك اهم شئ انت تجول شوي في هذا القسم وباذن الله رايح تلقي كل شئ عن هذا العالم الجميل عـــــــالم الطــيران