[F-16 falcon]

مع الاسف
اغلب الاراء كانت موافقة على الكلام اللى كتبه الشخص البريطانى دا
بس انا رح اتكلم عن نفسي وفى الكويت
1- لما يحصل حادث الصراحة الشرطة توصل فى اقل وقت ممكن يعنى اكتر شيئ 10 دقايق لربع ساعة بعد لما يتصلون عليهم ومش بس الشرطة كل افرع الدفاع المدنى توصل مع بعض (شرطة واسعاف ومطافى )
2- الصراحة انا اشوف انو نسبة احترام الناس لاشارات المرور هنا نسبة كبيرة وافضل من دول تانية
3- موضوع الواسطة الصراحة كلمة حق ومع الاسف الواسطى فعلا هى سيدة الموقف
4- الكاتب يسخر ان المرأة ماتوقف فى طابور والرجال يوقفون -انا اشوف ان دا شيئ طبيعى لان على الاقل المرأة دي ممكن تكون ام واولادها منظرينها مثلا
5-انشاء المبانى اللى يتم بسرعة - الصراحة انا اشوف دا دليل على حسن التخطيط - وعمري ماسمعت عن انهيار مبنى فى الكويت وفى دول تانية المبنى يتبنى فى سنة واتنين وبرضو بيتهد
6-موضوع الاستعراض بالسيارات والملابس العطور وكدا - كلمة حق الصراحة -
7- المكالمات الهاتفية الداخلية مجانية - يعنى كمان عايز الناس تدفع فلوس عشان بيتكلموا فى التليفون ومكالمات محلية كمان - الصراحة انا شايف انو ماينفعش اساسا انك تدفع فلوس على كل دقيقة فى التليفون الارضي والا يبقى ايه الفرق بينه وبين الجوال
8-* الفرّاشين و السائقين لهم تأثير كبير على مالك الشركة أكثر من المدير العام - ودا فى كل دول العالم ومن زمان - لان دول لو اتكلموا بيحطوا الفكرة لمالك الشركة وهو يقولها او ينفذها على اساس انه هو اللى فكر فيها اما المدير العام دا بيطالب انو يتعرف انه هو صاحب الفكرة مش المدير - ططبعا دي مشكلة انو ميديش الحق لاصحابه بس دي نقطة تانية
9- موضوع الفصول الاربعة - مش عارف شافهم فين انا مش باشوف الا صيف وشتاء بس ومش خلال ساعة
الصيف9 شهور والشتا 3 شهور *
10- رخص سعر البترول - الطبيعى والذكاء التجارى انك لما يبقى عندك وفرة فى حاجة تبيعها بسعر قليل عشان تبيع كميات اكبر وبالتالى يبقى عندك ربح احسن يعنى ابيع برميل بترول واحد ب 100 دولار ولا ابيع 10 براميل كل واحد ب30 دولار ايهما افضل

وبصراحة معلش انى طولت بس فعلا فى كلام انا حسيت انه مش صادق بالمرة وحبيت انى اوضح وجهة نظرى