[الكابتن القطري]

اقتباس:     المشاركة الأصلية كتبت بواسطة المرهـف  

الف الف شكر للجميع

وبالنسبا الكابتن القطري
انا بعدني ماروح يوم الخميس بروح و بسكن في دبي
واحد من اقاربي قال بدبر لي بعض ارقام للفنادق المجربة

أوكي أنا بالمختصر المفيد عشان ترتاح أرشح أنك أول شي تأجر سياره مع سائق

سواء كان من الفندق أو أي شركه وبأسعار ممكنه ، راح يساعدك هذا الشيء في

كل حاجه في الأماكن في الوقت الي أنت تطلبه ، هناك السائقين على حد علمي أنهم

يعرفون جميع الأماكن السياحيه وهم يخدمون السائح بشكل وايد حلو بالنسبه لترتيب

الأماكن من وجهة نظري ست أيام ماتكفي ألا أذا طلعت في اليوم مكانين .

اليوم الأول

أنصحك في حال أستأجرت السائق مع السياره ياخذك على أقرب محطه مترو

وتأخذ جوله في أنحاء دبي وشوفها وتاخذ فكره عن البلد

بعدها تروح برج دبي هو أسمه برج خليفه للمعلوميه فقط ، وتدخل وتتفسح وشوف دبي

من فوق ، طبعاً على طول تحت البرج موجود المجمع الكبير دبي مول ها أنت زرت

دبي مول ، برج دبي .

اليوم الثاني

أفضل تفطر وتبدأ بالباص البرمائي ، يقع في مركز برجمان مده الجوله ساعتين نص ساعه البر

وساعه ونص البحر مع وجبه خفيفه سعر التذكره للكبار للشخص الواحد 125 درهم للصغار

ماعندي فكره صراحه ، بدأت بجو كمل حديقه الخور أعتقد تكفيك تقعد فيها على الأقل ساعه .

[ صدقني راح تم في اليوم الواحد متسع من الوقت حاول تروح أكثر من مكان ]

اليوم الثالت

أنصحك بأبن بطوطه أذا في خاطرك تروحه لأن على حدود دبي وأبوظبي فعلى الأقل نصف يوم

تحتاج علشان تخلص من المكان يعني على العصر أذا كنت طالع الصبح . لاتفكر في الأطفال

لأن كل مجمع تروحه راح تلاقي فيه الترفيه للطفل ، المهم تقدر في نفس اليوم في المساء

تتعشى في فيستيفال سيتي وتقضي المسى فيه .

اليوم الرابع

أقضيه في جزيره النخله في أتلانتس وفي المسى مول الأمارات والي موجود فيه المدينه الثلجيه

طبعاً .

اليوم الخامس

الأشياء التراثيه متحف دبي تقدر تروح السوق الصيني في نفس اليوم وأختم اليوم في مراكتوه

اليوم السادس

أفضل يكون خفيف على أساس المطار وهالسوالف مجمع الوافي والأماكن القريبه من المطار

أذا حبيت [ أسمحلي أذا قصرت معاك في أي شي أو غلطت في شي معين ويارب من كل قلبي

تكون رحله سعيده ومريحه أنشاء الله ]

بالنسبه لسيتي سنتر أخوي أنصحك لاتروحه لأن أقدم مجمع وصار مستواه هابط أما
التايم سكوير -أوت ليت دبي.- بلانيت هوليوود- أول مره أسمعهم بصراحه مش متأكد ماقدرت
أعطيك معلومات عنهم. وفي الأخير الله يحفكم أنت وأهلك من كل شر وتكونون سعداء

وأتمنى قدرت أساعدك