[jsayafi]

أسوأرحلة ركبتها كانت من الرياض الى الدمام كان في شهر رمضان المبارك واكنت الساعة 12 بالليل
على متن خطوط السعودية الحبيبة على طائرة الاحلام md90 ياربي رباه على قولت المعلق الرياضي فارس عوض .. المهم ركبت الطيارة ومصدق حالي على البيزنس وجنبي أمريكي تحركت الطيارة الى المدرج عشان الاقلاع ولا اسمع اصوات المحركات غريبة علي سألت الامريكي هذا طبيعي الصوت قالي وهو متغير لون وجه me be قلت في نفسي الله يستر بدأ الاقلاع كان حلو مسكت المسار المطلوب وطرنا حوالي 10 دقايق ولا ذاك الصوت المخيف بوم بوم يساتر وشو هذا انا قلت هذا يومي ياساتر وخوينا الامريكي قلب ازرق على اسود قوس قزح واختفى الصوت ورد ثانية اقوى بشكل مستمر بوم بوم بوم بوم الامريكي قالي الطيارة شكلها بتنفجر ... سألت المضيفة وش السالفة ولا هي تقول مابعرف وتبكي وهربت ياه وين المضيفين ماحد حولك ياكابتن تكلم ابد ولا شيء الامريكي بدا يصلي صلاته واطالع جهة الدرجة السياحية الا جنازة صايرة الحريم صراخ والاطفال يبكون انا تشهدت وقريت من القران مااحفظ الى واخيرا الكابتن تكلم بشكل مختصر قال راح نرجع الرياض خلل بسيط .... المهم الا والطيارة تلف وتعود ويرجع الصوت بشكل اقوى بوم بوم اطالع من النافذه ماكو شيء مولع وسمعت صوت كانه بدالي احد محركات طفي وحسينا بالطيارة تتمايل يمين ويسار على خفيف قلت الله يستر شكله في الهبوط راح تصير لنا مصيبة ونزلت الطيارة نزول قوي جدا حسيت بانحراف الطيارة بشكل قوي الحمدلله وقفت الطيارة بسلام واطل من النافذه الا المطافي والاسعافات جاهزة بس اللي مستغربة انه مانزلونه ميشت الطيارة فينا مسافة بعيدة الى ان توقفت في ساحة كبيرة ونزلنا بسلام وبدا لي انه موقف طائرات للصيانة
نزلنا على الباص الى داخل المطار واعطونا وجبة سحور اخوكم سدت نفسة من الخرعة جيت اولع سيجارة من الخرعة ولعت بالعكس وجيت اكلم زوجتي من الخرعة دقيت على مديري في العمل
وانتظرنا الى ان جاء شخص وقال رحلتكم بتصير 4 فجر جيته قلته بصراحة بدون لف ولا دوران ايش النوع الطيارة اللي بتركبونا قالي وهو مبتسم md90 قلتله سلام عليكم اجرت لي سيارة ورحت الدمام بالسيارة وقلت والله اني ماراح اركب طيران السعودي مرة ثانية
واسف على الاطالة