ياهاللو عليكم ياشباب
انا جييييييييت
عملت الأنترفيو النهاردة وادعولي بقى اني اتقبل يارب
بصوا حصل ايه النهاردة
كانوا مديني ميعاد يوم الأحد على النهاردة الساعة 1.30 الظهر
في المبنى الجنوبي مكان ماقدمت ورقي بس كان في الدور التاني
المهم انا روحت الساعة 2 بسبب ان الطريق كان زحمة موت
بس ده مش معناه انكم تتأخروا عن الميعاد الأفضل طبعا تروحوا مواعيدكم مظبوط
وبعد ماروحت دخلت اوضة وزنت وزن وطول وكان موجود الرجلين اللي
كانوا في كتب التقديم واخدوا اسمي والوزن والطول علشان بيدوه للجنة
المهم روحت قعدت في اوضة تانية جنب الأوضة اللي وزنت فيها
وكان موجود حوالي عشرين بنت او اكتر وفضلت مستنيين ساعتين
لحد ماللجنة اتجمعت وابتدوا الأنترفيو الفعلي الساعة 4.30
انا كان رقمي 13 بالكشف وعبال مادخلت كانت حوالي الساعة 5
دخلت الأنترفيو
قعدت قدام حوالي 7 او 8 اشخاص تلاتة منهم ستات واحد سألني اسمك
ولاء... قلتله ايوه قاللي خريجة.... قلتله ايوه قاللي اقري البراجراف
اللي قدامك ده وكان برجراف بالأنجليزي عن الأهرامات
قريت حوالي نص البرجراف وقاللي اوكي وبعد كده سأل وزنك كام وطولك كام
موظف تاني كان قاعد معاهم وقاللي اوكي وشكرا ليكي
وبسسسسسسسس
مقعدتش دقيقتين بالظبط
وعلى فكرة كل البنات اللي كانوا معايا عملوا معاهم كده برضه
والموظف قاللي اتصلي يوم الأحد علشان تعرفي نتيجة الأنترفيو
وبسسسسس روحت بعدها
اه واللي هايسألني كنتي لابسة ايه
كل البنات اللي معايا كانوا لابسين جيب على الركبة وانا الوحيدة اللي كنت
لابسة جيبة طويلة ومحدش يسألني ليه
وعلى فكرة محدش علق عليها خالص من اللجنة
اه يابنات فيه حاجة اخيرة
موظف التقديم قال ان تقديم المضيفات لسة مفتوح
يعني البنات اللي كانت بتسأل روحوا مفيش مشاكل
واللي عنده اي استفسار انا موجودة
تقبلوا مروري
ربنا يوفقك يارب ان شاء الله يا wamo و ان شاء الله تبقى اجمل مضيفة و ربنا يطمنك زى ماطمنتينا, و ادعيلنا بجد كلنا ربنا يوفقنا و كلنا نتقبل ان شاء الله