السلام عليكم ورحمه الله وبركاته
السؤال الاول : اقدر اكون طيار بالنظارة ؟
السؤال الثاني : كم راتب الطيار ؟
السؤال الثالث : كم مده دراسة الطيران ؟
السؤال الرابع : كم يطلبون الخطوط السعودية نسبة الثانوية العامة ؟
السؤال الخامس : بعد الثانوية اروح اقدم طيران ولا ادرس جامعه ، إذا قلت جامعه طيب اي تخصص ؟
السؤال السادس : ماهي المدينة المتميزة لدراسة الطيران ؟
السؤال السابع : كم يطلبون نسبة في اختبار القياس ؟
السؤال الثامن : كم يطلبون نسبة في اختبار التحصيلي ؟
السؤال التاسع : لماذا اولاً اكون مساعد طيار ومن ثم طيار ؟
السؤال العاشر : كم سنة اجلس مساعد طيار ؟
السؤال الحادي عشر : انا ابغى لم اتخرج من الثانوية العامة ادخل الجامعه وش تنصحوني ادخل تخصص ينفع للطيران لان لما اخلص الجامعه بدخل طيران ؟
السؤال الثاني عشر :من الافضل دراسة الطيران بعد التخرج من الثانوية ام التخرج من الجامعه ؟
السال الثالث عشر : هل يوجد في السعودية اكادمية تخرج طيارين؟ وهل هي بفلوس ام هي مجاناً
وعليكم السلام ورحمة الله وبركاته
تقدر تكون طيار بنظارة
راتب الطيار يفرق بين شركة ل شركة
دراسة الطيران تفرق حسب المحل إلا حتدرس فيه
زي أمريكا ما بين 8 إلى 10 شهور تقريبا
وعلى حسب إنت كيف مجتهد ممكن تخلصها في اقل من كذا
وإذا مطنش حتاخذها في مدة طوييلة
النسبة يبدأو من 85
إذا خلصت ثانوية شي يرجعلك إيش تبا تسوي
بس الطيران ما يطلبو جامعة الثانوية تكفي
أفضل المدن لدراسة الطيران عندك
أمريكا وكندا
والله بالنسبة للقياس والتحصيلي ما أدري بس ما أتوقع يبو شي إذا دارس على حسابك
هههههههههههههه تبا تدخل على الثقيل تبا تكون على طول طيار
ما ينفع حبيبي إنت في فترة المساعد تقعد تتعلم وتتدرب تتأهل عشان تسير كابتن
وبالنسبة كم سنة تقعد مساعد يفرق بين خطوط ل خطوط
يعني تقدر تقول تقريبا 10 سنوات في هذي الحدود
والله إذا تبا تدخل الجامعة
أنا أشوف تدخل تخصص تحبه أو تخصص
كويس ينفعك بعدين لو لا قدر الله ما نفع إنك تسير طيار
أو سار شي عندك شهادة جمبها إحتياط تشتغل بيها
بالنسبة إيش أفضل متى تدرس طيران بعد الثانوية أو الجامعة
أنا أشوف إنه ما يفرق مح تساعدك الجامعة في شي بصراحة
إلا الإنجليزي غيره ما أتوقع
فيه أجنحة رابغ وفيه الوعلان
بس الوعلان باقي ما فتحت
وطبعا كلها بفلوس وغالية كمان
يلا بالتوفيق يا كابتن