صباح الخير للجميع
موقف محرج للعسكري
انا اعمل في حي السفارات بالرياض
كل يوم امر من عند نقطة التفتيش عند مدخل الحي
والتفتيش روتيني
وقبل مده وانا رايح للعمل وكان واحد من العساكر يعرفني
بسبب كل يوم وانا امر من عندهم من عند نقطة التفتيش
وصلت لعند العسكري الي يعرفني فسلمة عليه وفتحتله شنطة السيارة
وفي الشنطه علب تمر كبيره
المهم سئلني وش ذا ؟؟ قلتله تمر خذ لك منها
وكان تفكيري يشيل بيده حاجه بسيطه له ولاخوياه
اخونا العسكري شال علبه كامله لانهم يحبون التمر بشكل كبير
وكان في نقص عندهم في التمر واصلا مافي إلا 3 علب بس
وطبعا انا ما انزل من السيارة لان التفتيش سريع
وصكر العسكري الشنطه ومشيت وشكرني العسكري
من دون اني انتبه للتمر الي شالها
ولصلت للمكتب وخليت العلب في السيارة
علشان يشيلونها العمل من السيارة إلى المكتب
شوي إلا العامل جايب علبتين بس فانتظرت قلت ممكن يجيبها بعدين
طول العامل اسئله واقوله وين العلبه الثالثه يقولي بس هذا الي موجود في الشنطة السيارة !!!
طبعا التمر كان اشتريته امس بالليل وحطيته بالشنطه ولا في احد فتح الشنطه
ولا مر علي العسكري انه ممكن يشيل علبه كامله ابدا لانه اخذ شوي زي ما اتفقنا
قلت خليني اروح واسئل العسكري الي عند البوابه
ورحت لا عندهم ووصلت وهم لسى ما شافوني يقول واحد من العساكر الحقو على التمر
قبل ما يجون العساكر الثانيين وياخذونها كلها ولا عاد يبقالكم شيء
جاء على بالي ان كل واحد ياخذ تمره ؟؟؟؟ مستحيل
وصلت لا عند العساكر ولقيت صاحبي العسكري جالس
وعنده العلبه الثالثه
قد قضى على ثلاثة ارباع العلبه ولا عاد بقى إلا الربع هو والعساكر الثانيين
وانا انصدمت وجاء وقالي ياخي كانك عارف اني راح ابغاك تجي وتتقهوى معنا
علشان اسئلك من وين جبت التمر
انا واقف ومن صدم وسئلته كيف شلت التمر ؟؟
قالي انت قلتلي خذ منها وانا اخذت علبه
انا بعد كلامه قمت واضحك وقلتله ياخي كان فكري انك تاخذ شيء بسيط وهذا انا الي اقصده
ماتاخذ علبه كامله بس بالعافية عليكم انت والعساكر الثانيين
قالي بالله عليك والله قلت الرجال كريم ونحنا نستاهل وانك جايبه لنا مخصص
لكن تبغى كلامي في ربع العلبه تمر نعطيك اليها
قلت هدية هذي مني لك وغلطان اقولك شيء مره ثانيه وانا اضحك
ضحك وضحك العساكر الثانيين وكان موقف لا ينسى ابدا
وكان ضحكت العسكري فيه نوع من الاحراج لنفسه وضحكة اصحابه له
واتمنى انكم مايجي يوم زي كذا من الاحراج او واحد تقوله خذ شيء بسيط وياخذ شيء كبير
وهو في ظنه شيء بسيط
كل الشكر لكم
حبيب قلبي صباح النور والسرور والتمر المسروق
هههههههه مشي حالك يا احمد .. هنا وعافية عليهم
بس ثاني مرة قله لا تفتشني على ايه خويك انا
حبيب قلبي والله يا احمد .. كفؤ والكرم عوايدك