السلام عليكم ورحمة الله وبركاته
بما إني فاضي وما ورايا شي
خليني أشاركم بقصة هبلة سارتلي
بس الطفش والا يسويه في الشعب هههههه
المهم أمس وأنا طاير سولو ومبسوط وشاب السيجارة
وكلمت برج المراقبة وأنا مرة قريب من المطار المهم قلي إنتا كلير تو لاند يلا أنزل
وبعدها على طول سمعت المدرب حقي يتكلم مع البرج كان مع طالب من الطلاب
فالبرج قلو استنى هولد شورت عشان في طيارة نازلة إلا هيا أنا
وجيت دحين في الفاينل وناوي أسوي لاندينج إبن كلب
عشان اوري المدرب حقي إني خطيير ههههههه
الا وأسمع صاحبي يكلم البرج يقلو انا عندي مشكلة يمكن الكهربا تطفي عليا في الطيارة
يعني electerical faliar
وإحتمال يقفل عليا مرة ومن هذا الكلام
أنا قلقت شوية على خويي وبالي راح معاه وناسي نفسي
وأجي أطالع القى نفسي عند الرن واي سويت لاندينج يا رجال
مو بس زبالة ههههههههه
جبت العيد الطيارة طلعت ونزلت يمكن 600 مررة هههههه
وقعدت أضحك على نفسي ضحك
وبدل ما أقول لصاحبي سلامات فقعت وجهو ههه
وعاد المدرب قعد يحشني حش
حقدت على خويي والمدرب ههههههه
وعليكم السلام والرز والأدام
يجي يجي يا ولد مكة
ما همك فيهم سويلهم نكبة ولا عليك منوو
نحنا الي ضربنا البحر بووية
بس كيف انته ما عليك منوو نزل الطيارة زيما تيبى سوي شغل الهيامة داه نحنا بقده
ههههههههههههههههههههههههههههههه
وربي احس اني دخلتك جو في هنداوية مكة ههههههه
حبيب قلبي والله .. اليوم كنت انا والشباب بعد صلاة الجمعة في كريسبي كريم
افتكرناك وذكرناك انا واخوك عثمان بالخير والله .. يا كل الخير
ماشاء الله عليك يا طيب القلب .. بالك راح مع خويك ونسيت طيارتك
الله يديمك يارب يا احمد .. وشد عليه