[قمر الزمان]

اقتباس:     المشاركة الأصلية كتبت بواسطة flying pharaoh  

مش داخله دماغى انهم هيكلمو الناس دى
طب ليه مش هينزلو النتيجه زى الانجلش؟!!

يا ريت والله يحددو يوم معين ينزلو فيه النتيجة متعلقة عشان محدش يفضل متعشم ان هما يتصلو بيه ويفضل مستني على الأمل ده كتير ، بس هيا دي سياستهم ، احنا سألناهم النتيجة امتى وقالونا هنبقى نتصل بيكم ،عموما هي مصر للطيران كده بيبقى ليها شطحات معينة ، يعنى مثلا لو فاكرين في البداية ايام ما كان اختبار الأنجليزي في شهر تسعة وعشرة وكان في ف 2011 وبعد كده اضطروا ان هما يتصلو بكل العدد المقدم ده عشان يبلغوهم المواعيد الجديدة ، طب ما كان من الأول ، عالعموم احنا وراهم وراهم ، انا لما رحت الانترفيو حسيت بجد انهم عايزين ناس بجد وناس كتير كمان ، يعني مش زي بقية الإعلانات ، وبعدين لو على مكالمة تليفون نستناها ، في ناس مستعدة تطلع القمر لو عرفت ان ده هيخليها تقبل ، ربنا يوفقكم جميعا وكل الناس اللي في المنتدى تحقق أحلامها .