السلام عليكم
ازيكم يا شباب
جزاكم الله كل خير عن الشروحات والاجابات اللى بتفيدنا
انا بشتغل فى شركة سياحه بقالى سنه واخدت كورس جاليليو
بس للاسف مفيش عندا تنفيذ لاننا ياما بنفذ مع الفرع بتاعنا او مع شركه تانيه
علشان كده حاسس انى ضيعت سنه كامله من غير ما استفيد اى حاجه
وحتى لما جالى سفر اكتشفت انى هروح مش هعرف اعمل حاجه وبصراحه اتصدمت
فانا قررت انى اراجع الكورس من الاول وافهمه واتعلم اماديوس علشان يفتح ادامى فرص شغل احسن
مع العلم انى بعرف انفذ تذاكر واعرف الخطوات والامكانيه والاساسيات دى
بس ينقصنى اهم حاجه اللى هى الممارسه ودى بعتبرها اهم واحسن من الشرح والكورسات
انا اسف على المقدمه الطويله دى .. بس كانت للتوضيح
انا ليا شوية اسئله ممكن البعض يشوفها اسئله تافهه او سهله بس اعذرونى
السؤال الاول : ماهى طريقة اخذ مقعد انتظار وانا اعرف انه بالامر ده مثلا N1Y1LL هل ده صح ؟
و ازاى لما اعرض الامكانيه اعرف ان الدرجه دى انتظار ؟؟
ولما احجز المكان ده انتظار وحبيت اخلى الحجز مؤكد .. اعمل ايه ؟
وازاى اعرف ان المكان ده انتظار او مؤكد
يعنى لما احجزه انتظار واخليه مؤكد اتاكد ازاى انه اتحول لحجز مؤكد
السؤال التانى : ازاى ابدأ الشغل فى الحجز بمعنى
لو انا قاعد وجالى تليفون قالى عاوز اعرف سعر رحلة مثلا القاهره جده يوم 15 بكام
هل اعمل امر ال FS ولا الامكانيه ... ولو عملت الامكانيه هيظهر الدرجات من غير اسعار
ياريت حد يقولى خطوات البدايه والتنفيذ
السؤال التالت : ما الفرق بين Vendor locator _ vendor remark
السؤال الرابع : بالنسبه لامر التسعير اللى هو قبل طباعه الكارت
انا اعرف انه FQ/C MS
باعتبار انه حجز على مصر للطيران
كنت عاوز اعرف هل المدخل ده اساسى مع كل الحجوازت ولا فى مداخل تانيه
السؤال الخامس : هل لازم اضيف طريقة الدفع على التذكره قبل ما اطبعها
ولو لازم ايه هى مداخل طريقة الدفع ؟
السؤال السادس : لو حبيت اكنسل الحجز كله هل بمدخل XI
ولا فى مداخل تانيه
السؤال السابع : عاوز اعرف تفسير رموز مدخل طباعة التذكره
مشكورين مقدما على الاجابه
وجزاكم الله كل خير
وان شاء الله همشى خطوه خطوه علشان افهم السيستم كويس