بسم الله الرحمن الرحيم
السلام عليكم ورحمة الله وبركاته
لماذا يبكي الاطفال الصغار بعد اقلاع الطائرة؟ ؟ ؟ ؟ ؟
دائمـا نلاحظ بعد اقلاع الطائرة وارتفاعها شي بسيط يبدأ الاطفال الصغار وخاصة اللي عمرهم اقل من ثلاث سنوات بالصياح (يعيط) ومساكين امهاتهم تلاقيها تقعد تسكت بهالطفل ولا هي عارفة وش السبب.
طبعـا كثير من الناس يكون حشري ويقول بخاطرة (يالله وش الازعاج من هالبزران ما هم عارفين يسكتون اولادهم) وفيه البعض الاخر إذا سمع الاطفال الصغار بدأوا يبكون يحسبه عشان هم سمعو طفل يبكي بكوا معه. (صياح مع الجماعة رحمة)
صراحة اللي ما يحب الطيران و يخاف من الطيارات تلاقي بخاطرة وده يبكي معهم بس مستحي.
طيب نرجـع للأطفال الصغار والكبار ماله إلا اللي جـاه ان صاح ماهو لاقي من يسكتـه! ! !
السبب بكل بساطة هو تغير الضغط الجوي ! ! ! ومثل ما تعرفون او تسمعون ان الكابينة داخل الطائرة موزون الضغط الجوي بحيث ما يزيد عن 8000 قدم.
كثير من الاطفال تلاقي عندهم الجيوب الانفيه لسى ما اكتملت فأي ريح بسيط يصيبه بالصداع بالاضافة الى السوائل اللي تخرج من أنوفهم (خشم).
نفرض ان الطائرة كانت واقفه بجدة يعني الضغط الجوي (سط البحر) ومع أقلاع الطائرة كل ما ترتفع ينقص الضغط. طيب الهواء اللي بداخل جيوبنا الانفية (Since) يتمدد ,زكما تعلمون ان الجيوب الانفية متصلة مع الاذن الوسط اللي تؤدي الى الطبلة.
هنا نعرف ليش لما تقلع الطائرة تقوم الاذن تفتح وتسك بس الكبير تلاقية يحرك فكـه (الحنك) أو يقفل خشمه ويدفع بالهواء (وهذا غلط) لـكن الصغيير ما يدري وعظامة و أعصابة لسى لينه فيحس بالالم عشـان كذا يبكي.