[الصخرة]

الحمد لله يا شباب اليوم كان اليوم الثالث لي في الطيران وكملت الحين 7ساعات ولله الحمد ...طبعا اول يوم طيران راح يكون يوم تعريفي عن الانستورمنت وكيف تتداخل في العمل مع بعضها البعض وراح تتحكم في الهيدينج(الوجهة) وراح يعلمك الانستركتور كيف تعمل climb و Descent وكيف تعمل Turns وبعدين راح تجمع مع Climbing Turns و Descending Turns وبعد راح تتعلم ال Stall وكيف ممكن تغطي هالشي اذا صار عندك ....وتعلمت اليوم on power stall و off power stall وان شاء الله بكرة ببدأ في Traffic Pattern واحاول انزل بالطيارة.. لاني للحين ما عملت ال Landing بنفسي بس المدرب يخبرني اني امسك ال yoke واحس بالنزول وطبعا قبل كل رحلة تعمل ال 360 pre flight inspection ويكون معاك الــ check list التابع للطيارة وتتفحص كمية الوقود وكمية الــ oil يعني تتبع بس اللي مكتوب في الــ check list وبعدها تخبر المدرب كم كمية الوقود اللي عندك وكمية الزيت ... ومن بعدها تكمل ال starting engine check list يعني كل حاجة تعملها لازم ترجع للــ check list علشان ما تنسى حاجة هذي ما فيها اي مشكلة لانه كل حاجة تقرأ وتشوف وتتأكد وبس... وبعدها تستعد للانطلاق وهناك عاد يعتمد على المدرب شو الاشياء اللي بيعلمك اليوم...بس بصراحة للحين ما شفت فيها صعوبة كثير بس الــ landing خوفني شوي لانه اول مرة والطيارة صغيرة تحسها كانها لعبة الهواء يحركها يمين شمال بس شباب توكلوا على الله وكل واحد يحقق حلمه واللي هو حلم الطيران...ما في شي صعب مع الارادة وبالتوفيق للجميع.