[كابتن الإيرباص]

مو مهم المبلغ بس المقصد اذا تعلم الموظف و الشركة من انك ما راح تسكت
راح يحسبون الف حساب لغيرك ممكن يسوي مثلك و تتعدل الشركة و موظفينها
اذا كانت الرحلة اللي من أبوظبي إلى أحد الدول الأوربية تقدر تقدم شكوى لدى الاتحاد الأوربي و قد تصل إلى إعادة مبلغ كامل الرحلة مع تعويض فوقها
و إذا كانت إلى أمريكا هم في تعويضات
و كل جهة لها اجرائاتها ماني متأكد منها
اذا حصلت الإجرائات بفيدك
اذا كان حجزك عن طريق كياكي أو غيره من المواقع تقدر تقدم شكوى لهم و الموقع يعوضك
و يتفاهم مع الشركة
سبق وحجزت عن طريق بوكينغ بيت في النمسا و لما وصلت رفض صاحب البيت يسلم البيت مع أن الحجز موجود
كان قدامي خيار تقديم بلاغ بالمخفر المنطقة و يطلعونه غصب عنه من البيت
بس اتخذت إجراء ثاني قدمت شكوى لدى بوكينغ و عوضني بفندق 5 نجوم نفس المدة في نفس المنطقه على حساب بوكينغ و تم إزالة البيت من صفحة بوكينغ أي لا يمكن له أن يؤجر مره اخرى في موقع بوكينغ
الحق ما يضيع و فوقه تعويض عن تأخير أو أضرار نفسيه
بإمكانك تطالب بتعويض فرق العملة مرتين على كل سحبه و تعويض عن الوقت اللي ضيعته في الجدال مع الموظفين و تعويض عن سوء المعاملة و تعويض عن كل الوقت اللي نطرته علشان ترجع لك فلوسك و اتصالاتك اذا كانت دولية للإمارات علشان تكلمهم قيمة الاتصال
يعني تقدر تبهذلهم عدل و تتعوض لا تحسب أن فقط قيمة اللي دفعتها
تقدر تدفعهم كل هذا و من حقك قانونيا

في تعويض ثاني كان المفروض أخذه بس ما انتبهت لأن طاف علي وقتها
كان من الخطوط التركية تعوضني لغاية 760 دينار و هذا كان تقريبا يساوي قيمة التذاكر اللي حجزتها و السبب تأخير الرحلة لمدة ثلاث ساعات
الرحلة وصلت في توقيتها بس نطرنا في الطيارة لأن مافي باركنغ ينطرون بوابة تفضى نطرنا تقريبا ساعه لغاية ما طارت عنا الرحلة الثانية
و بعدها عطوانا رحلة أخرى بعد ثلاث ساعات الإجمالي التأخير 3 ساعات مع ساعة الترانزيت الأساسية صارت 4 ساعات
وفق قانون الاتحاد الاوربي يتم تعويضي بمبلغ على كل راكب الإجمالي الأخير 760 دينار بس ما تقدمت بشكوى لأن من فتره بسيطه دريت عنها و الرحلة كانت بشهر 6 اللي طاف