والله ماقصرت يالغلا صراحة وفيت وكفيت
ويكفي ان الناس الي يكتبون هنا ناس خبره
مايتكلمون الا عن واقع تجربة
وهذا تفضل منهم يعلموننا بما صار معاهم ويفيدوننا بخبراتهم
شكرا خط الطيران
وشكرا كل من ساهم في توصيل فكرة ابتكرها او توصيل تجربها قام بها
اشكرك يااخي عزام
واشكر ابو سيف
واشكر ابو العنود
واشكر كل من كتب لإفادة اخوانه
---------
ننتقل لموضوع المحركات
انا انسان البريك ان معاي ماينفع هههههههه
احس اني بخرب المحرك لو سويت بريك ان
علعموم
لدي محرك da50
وكان يعمل من احسن شيء فجأة صار يطفي علي وسبب لي كراشات كثيرة
ووقفت الطيران بسبته
فما ادري وش المشكلة غيرت الزيت وصرت استخدم زيت ممتاز
البوجي ماتوقع منه مشكلة لانه مافية اعراض ان البوجي خربان لان المحرك يطفي فجأة
مايقطع ولا شيء كذا وانا اعمل هفر يطفي
واخر مره طفى علي وانا امشي طيران عادي ماكنت في وضع هفر
فهل يوجد حل لهالمشكلة
ان اني مجبور اشتري محرك جديد؟؟؟
هلا محمد كيف الحال ... وين الغيبات ؟؟
اذكر مره صار عندي تقريبا نفس الشي .. في محرك dle55 ...
المهم طال عمرك :
1- طبعا لازم تتاكد ان الأبر موزونه تمام ,,,,,,,,,,,
اذا مانفع ...
2- فيه فلتر داخلي في الكاربريتر ... هذا عادة بسبب التشغيل ... في المناطق الترابيه
او بسبب عدم نظافة منطقة الكاول ...يمتلي هذا الفلتر ... واذكر انني لما شفت الفلتر تفاجئت باللي موجود فيه ... وبعد التنظيف سلك المحرك زي السيخ
المهم طال عمرك :
المشكله في فك هذا الفلتر .. فهو رقيق جدا .. وبسرعه يمكن يتهتك .. لازم تستخدم اله غير حاده ووتحاول تسحبه من اي طرف وبشويش وبدون ضغط قوي ...
الطريقه ..تجيب عود خشب نحيف ... وتضغط على طرف الفلتر من فوق والضغط يكون على جهة جدار الحفره الحديد ... وتسحب على فوق شوي شوي لين يطلع ...
طبعا هذا في حالة انك شقت انه فيه شوائب اغسله بالبنزين ...لعل ان شاء الله تنحل المشكله ..
تفضل الصور
