قبل ما اشرح طريقة الفحص الطبي حاب اقول شي بخصوص الدوره انا ماني متاكد بس الدوره حتكون في جده لانه المركز الرئيسي للخطوط السعوديه في جده ومركز التدريب ايضا في جده ما ادري اذا فيه مركز تدريب في الرياض بس حب اللي اعرفه ولا مرا سمعت انو صار فيه تدريب في الرياض اللي حاب اقوله انو 90 في الميه راح يكون التدريب في جده والموقع اللي راح تداوم منه الرياض لانهم كاتبين الوظيفه راح تكون في محطة الرياض ..................
بخصوص الكشف الطبي راح تستلم ورقتين من مكتب التوظيف ورقه حقت الكشف الطبي والورقة الثانية خطاب تقدمه للأدلة الجنائية
الفحص الطبي راح يكون عباره عن
تحليل بول ( تحليل البول راح يكون كالاتي راح تعبي ثلاث علب علبتين راح تعبيهم قدام واحد لان التحليل عشان المخدرات والعلبه الثالثه عادي تروح انت وتعبيها بنفسك)
تحليل دم ( راح يسحبو من 4 عينات دم كل عينه لغرض ما اقدر افتي في الشي ذا )
راح تسوي اشعه للصدر
راح تسوي كشف عند دكتور الاسنان
راح تمر على دكتور/ دكتوره نفسيه ( هنا راح يعطوك مثل الامتحان بسيط تجاوب على 90 سؤال اسأله شخصيه عنك وش تحب وش تكره من ايش تخاف واشياء مثل كذا ... بعد ما تخلص ترجع للدكتوره تسال كم سؤال عالسريع كذا عشان تعرف شخصيتك اذا تعاني مشاكل نفسيه او لا )
اخر شي وهناك الشي الاهم ( راح تسوي فحوصات كثيره وهي كالاتي :
تخطيط القلب
فحص النظر
فحص السمع
فحص الضغط
قياس الطول والوزن
بعد ما تخلص كل ذا راح يقولوك تعال بكرا ( اليوم الثاني بعد الفحص) عشان تشوف النتيجه اذا لائق او غير لائق طبيا وخلاص
هذا شرح مطول للي صار معي في الكشف الطبي
اما بخصوص الادله الجنائية تروح هناك وتعطيهم الخطاب ويطبعولك الصحيفه الجنائية بس على حسب يمكن يعطوك في نفس اليوم او بعد يومين او ثلاثه ايام على حسب الزحمه
اذا خلصت من الصحيفه الجنائية ترجع لمكتب التوظيف تسلمهم الصحيفه ( بخصوص الكشف الطبي راح يوصلوه من الميديكال يعني ما يحتاج توديه لمكتب التوظيف ) بعد ماتسلمهم الصحيفه راح يقولولك انتظر ايميل راح يجيك عرض وظيفي تسويله موافقه او رفض ( الايميل لسى ما جاني ) وبعد ما تسوي موافقه راح يتصلو عليك عشان موعد الكلاس هذا اللي قالو لي اياه
اتمنى لكم التوفيق جميعا والله ييسر لكم كل اموركم
الله يعطيك العافية ع الشرح الوافي و ما قصرت بس استفسار بس يوم رحت لمكتب الخطوط رحت بثوب ولا بدلة و الله البدلة قروشه شوي 😅 انا كانت مقابلتي الاربعا بس باقي ما ارسلوا لي اجي اخذ نموذج الفحص