اكاديميه الطيران الملكية الاردنيه مش جديده وهي من اقدم الاكاديميات في المنطقة 1966 وما بطلع لاي انسان يحكي عليها اي كلمة لانها اكبر من هيك كلام ان كان اداره او مدرسين بشتغلو فريق واحد وشي تاني يكفي 76% من طيارين ومهندسين الملكة عاليه من خريجينها وطيران عالية اشهر من نار على علم .
اختي الكريمة اعذريني ولكن شهادتك بالاكاديمية مجروحة لانك من اهل البيت (( وانتي فاهمة شو بقصد ) واللي بتبع كل مشاركاتك بيعرف شو بقصد مش بس بالمنتدى هون لا بكل المنتديات اللي الها علاقة بالطيران وحتى الفيس بوك ... حرام عليكي يعني مش عشان الراتب تدمري مستقبل الناس وتضيعي فلوسهم !!
انا اردني وبكل حيادية وصدق انصح كل شخص بالبعد عن دراسة الطيران بالاردن وخصوصا الاكاديمية الملكية واكاديمية الشرق الاوسط ... اللهم فاشهد اللهم اني بلغت.(( مع اني اشجع على كل دراسة اكاديمية في الجامعات الاردنية )).
بعدين الاخت الكريمة - ما شاء الله - ذكرت انه 76 % من طياري ومهندسي الملكية تخرجوا من الاكاديمية (( والكلام ما عليه رباط )) اولا سيبينا من كلام ويكيبيديا لانو كله كلام فاضي والكل عارف انو ويكي سهل اللعب بمحتواها من المستخدمين !!!
وثانيا انا راح اقدملك عرض يا (( اخت حداد )) :
اذا جيت ودرست عندكم (( وانا متاكد اني ما راح استفيد اطير طيارة ورق حتى عندكم )) بس لنفرض جدلا .. هل تضمني لي التعين بالملكية عشان تزودي في النسبة من 76 الى مثلا 80% ؟؟؟؟!!!
انا عارف صعبة او عفوا مستحيلة ... طيب عرض تاني:
تضمني اتشغليني باي شركة طيران من الشركات العشرة المسجلة والعاملة بالاردن؟؟؟!! كمان صعبة :(
طيب عرض تالت :
بتضمني اتشغليني حتى لو على اي طيارة باي مكان بالعالم ؟ اففففف صعبة صعبة...
يعني بس تعال عندنا بالملكية ادفع فلوس وما تدرس وروح عالبيت زي ما اجيت !! هذة هي المعادلة..
ملاحظة : اغلب طياري الملكية خريجي بريطانيا وامريكيا حسب تصريحات الدباس !! يييييييييييييي تصدقوا حتى الدباس نفسه خريج امريكا بس للاسف مش طيار ههههههههه
والسلام ختام