انسى الموضوع اخي العزيز.
لن يكون هناك مطار في حالة وجود الفسدة في مناصبهم الحالية.
اللي بنى ستاد جابر.. هو راح يسلم له بناء مشروع المطار, الا اذا تبي تنزل على مدرج غير قابل لهبوط الطائرات فهذا امر اخر.
المشكلة حتى لو ان الحكومة قررت انشاء المطار بالكويت هناك ثغرة للحرامية.. او بالاحرى للفاسدين (لابد من وجود كفيل لضمان الشركة اللي تبني سواء مطار او مشاريع كبيرة) يعني التاجر الكويتي فيك فيك. والاخير بالغالب 95% من التجار الكبار مايهمه الوطن ولا البلاد مثل تجار الامارات.. يبني لك اتعس مواد واقل ايدي عاملة واتعس اشراف وتأخير حتى ان بعضهم يحرق المشروع في اثناء بناء المشروع حتى يتأخر ويتسلم تعويض اثناء البناء!! مثل حرق مشروع جامعة الكويت ومستشفى شركة نفط الكويت الجديد.. بالناتج المبنى المتفق عليه بالغالب يكون قابل للسقوط.
صدقني انا اقول كل شيء هناك فساد في كل مكان بالكويت تقريبا لا الحصر:
طيران /مطار/رياضة/استثمارات خارجية/بلدية/مجلس امة/بر/بحر/زراعة/طرق/الأمن/نفط. والخ.. كويت قبل غير والحين غير خبركم قديم.
البلاء كبير جدا .. خلنا ساكتين بس.
كيف نبني ارض الكويت في زمن مثل هؤلاء الفسدة؟
ولا تسمع كلام معسوم تراه مخدر انت تعال الكويت وخذ لفة يومين بأيام عمل وبتشوف كلامي بعينك.. فمن رأى .. ليس كمن سمع.
وبخصوص الموضوع اعلاه.
اكثر من خمس سنوات يتكلمون عن مشروع مبنى المطار.. تتفاجأ يوما مثل اليوم يأتون لك بحلول ترقيعية مثل الرقعه العادية وبالطبع تنفيع ولا شلون مقاول الدولة بيربح ويعوض خسائرة الخارجية الا على افى الحكومة.. يبنون مبنى مساند بمبلغ وقدرة.. وبعد اربع سنوات يهدموننهم لبناء مطار جديد.. هذا اذا قرروا يبنونه!
والله انا داري عن هالشيء بس والله اتمنى الكويت ترجع مثل اول وهي كانت هيبة الخليج.
مدارسنا و مستشفيانتا في ايام الستينات من منو كانت؟
طبعا من عيال الصباح واهل الكويت ما قصروا فينا.
ربي يرجعها مثل هيبتها اول.