حياك الله وبياك ياسيدي الكريم ومشكوووور على سلم الرواتب وعقبال ماتصير فلايت بيرسور ان شالله ومنها للخيالة ..
ولكن عندي كم سؤال اتمنى تفيدنا فيها ..
ايام راحتكم الشهرية كم ..
متى يصير عندكم اوفر تايم ..
معدل المبات خارج القاعدة الاساسية كم ..
وهل صحيح بأنكم تشتغلو شهر وشهر راحة ؟؟
وهذا اللي عندي حاليا ً
وياريت تعملنا موضوع للشباب بكيفية الالتحاق بشركة ناس للطيران ..
وهل يوجد مميزات مثل علاج طبي
تذاكر مجانية للموظف والعائلة ؟؟
تأمين على الحياة ..
جنسيات العاملين في الشركة من مضيفين ومضيفات
في كم ممكن الواحد يصير بيرسور او يترقى
انا مثلا ليا خمس سنوات هل اجيكم اصير بيرسور ؟؟
ولك كلللل التقدير
وتم التقييم ..
نورت الموضوع بمشاركتك استاذ أحمد وبالنسبه لأسألتك فأجوبتها كالتالي:
ايام راحتنا الشهريه المفروض يومين بالاسبوع ولكن احنا من بداية طيران ناس للفتره الحاليه ماعندنا ضغط رحلات لأن عدد الطاقم كبير والطائرات قليله جدا وتوجد شركه اسبانيه تشغل طائرتين من ناس مع طاقمها كباتنه ومضيفين كما توجد ايضا شركه مصريه بطائرتها وطاقمها يعملون في تشغيل رحلات ناس فبسبب هذا كله احنا نطير يوم واحيانا ترتاح من اربعه ايام لعشره ايام وانت تنتظر رحلات وللأسف هذا يضر الراتب (طبعا الاضافي وهو اللي يدفع عن ساعات الطيران والمبيت) وطبعا بسبب هذا ايضا ماعندنا اوفر تايم وبالنسبه لساعات العمل اليوميه المفروض ماتتجاوز 14 ساعه عمل وماتتجاوز 8 ساعات طيران
بالنسبه لمعدل المبات فهو المفروض انك تعمل ثلاث ايام مبيت بالشهر ولكن ايضا هذا الشي مو اكيد انك هتحصل عليه بس اذا ماحصلته الشهر هذا تاخذ الشهر الثاني اكيد
بالنسبه للعمل شهر وشهر راحه فهذا الشي موجود بطيران الخياله وبالأصح هو 35 يوم عمل و31 يوم راحه واللي نسمعه حاليا بأن فيه توجه يلغون هالشي بالعقود الجديده للشركه
طبعا نحصل على تأمين طبي للموظف وزوجته وأبنائه كما يحصل افراد الطاقم على تأمين على الحياه
بالنسبه للتذاكر احنا ما عندنا تذاكر مجانيه بس عندنا خصم 90% على كل التذاكر الداخليه والدوليه بعدد غير محدود
بالنسبه لجنسيات المضيفين فهم كلهم سعوديين ولا تقبل الشركه للشباب غير السعودي والمضيفات العدد الأكبر من تونس وبعدهم مصريات وفيه هنديات وماليزيات وفلبينيات
أما عن الترقيه لمشرف طاقم فعندنا بالشركه اهم شي البرفورمانس اكثر من سنوات الخبره والمعدل للترقيه تقريبا ست شهور فقط وذلك لحاجة الشركه
بخصوصك انت مثلا اشتاذ احمد فانت على طول للخياله ان شاء الله لأنهم ياخذوا خبره عالأقل ثلاث سنوات والمشرف بالخياله راتبه الاساسي 9500 بدون اي بدلات فتخيل مع البدلات كم بالاضافه الى انهم ياخذوا 100 دولار يوميا بال 35 يوم اللي يعملوها وعليك الحساب عاد
ان شاء الله اكون اجبت تساؤلاتك وان شاء الله كمان هأحط موضوع عن كيفية التقديم على ناس
دمتم بأمان الله