السلام عليكم ورحمة الله
أحبائي أعضاء خط الطيران .. أنا أخوي الحين في صف ثالث ثانوي قسم علمي ويبغى يدرس طيران (يعني حلمه يصير طيار) وودي تساعدوني في العثور على إجابات لهذه الأسئلة :
1/ هل يشترط نسبة معينة وقسم معين للمتخرج من الثانوية إذا يبي يدرس طيران؟
ويا حبذا لو أحد يعرف الشروط كلها يعلمني بها مشكورا مأجورا
2/ وين أماكن التسجيل؟ هي عن طريق النت والا لازم حضور في مكان معين ؟
3/ وين الأماكن اللي يدرسون فيها طيران عندنا في السعودية؟
4/ هل الدراسة مجانا زي باقي كليات السعودية والا بمقابل؟
5/ كم مدة الدراسة ؟ وهل المتخرج يصير طيار على طول والا مساعد طيار في البداية ثم يصير طيار ؟؟
وإذا أحد عنده معلومات إضافية أكون له شاااااااااااكر ومقدر ولا تنسون باقي على نهاية السنة الدراسية قرابة 8 أسابيع فقط !!!
أتمنى للجميع التوفيق والسداد وأن يجمع لكم بين سعادة الدنيا ونعيم الآخرة ... اللهم آآآمين
أخوكم/ طالب طب عاشق للطيران - كلية الطب بأبها
هلا أخوي ...
1- لا . مافي نسبة معينة و لا تخصص معين ( أهم شي تكون ناجح في الثانوية ) و تكون قادر على فهم و كتابة و قراءة و تحدث اللغة الإنجليزية .
2- التسجيل يكون حسب البلد اللي انت رايح له و أعتقد كل الأكادميات تقدر تسجل فيها عن طريق النت.
3- للحين مافي أكادمية تدرس الطيران في السعودية .. بس سمعت أخبار عن افتتاح أكادمية في رابغ بعد 4 شهور و صراحه ماني متأكد من الخبر
4- أكيد الدراسة مو مجانا ... تكاليف الدراسة تتراوح بين 27 ألف دولار و أغلى من كذا
5- مدة الدراسة تعتمد على شطارة الطالب ... بس تقريبا تكون 18 شهر ( في طلاب يخلصوها قبل كذا و في طلاب يحتاجو لوقت أطول )
و نسيت أذكر الفحص الطبي .... لازم تجتازه عشان تقبلك الأكادمية
و إذا عندك اي استفسار أنا جاهز و في الخدمة